„პოროშენკოს ლტოლვამ ძალაუფლებისადმი, გააჩინა ძალები ქვეყანაში, რომელსაც ვეღარ აკონტროლებს“,-ასე გამოეხმაურა ევროკავშირის ექსპერტი საგარეო ურთიერთობათა საკითხებში სტივენ ბლოკმანსი უკრაინაში განვითარებულ მოვლენებს.

მისივე თქმით,  უკრაინული სისტემა, რომელშიც ოლიგარქები დომინირებენ, ნაწილობრივ ჩამოშლილია:

„პოროშენკომ გზა გაუხსნა სასამართლო სისტემის, პროკურატურის, პოლიციის რეფორმას და სისტემაში აღარ წარმოადგენს ოლიგარქიულ დომინანტს, თუმცა მისმა  ლტოლვამ ძალაუფლებისადმი, გააჩინა ძალები ქვეყანაში, რომელსაც ვეღარ აკონტროლებს. მიშა სააკაშვილი ინსტრუმენტი იყო, რომელიც თავად პოროშენკომ დაიქირავა, მაგრამ შემდეგ პასპორტი ჩამოართვა. ამ ყველაფერმა ძალაუფლების ვაკუუმი შექმნა, რომლის ამოვსებაც პოროშენკოს ძალიან გაუჭირდება.ეს ადასტურებს, რომ დემორკატიის პროცესი უკრაინაში შეჩერდა“, - განუცხადა სტივენ ბლოკმანსმა „რუსთავი2“-ს.

ამერიკელი ანალიტიკოსის, ჯონ ჰერბსის განცხადებით კი,  მიხეილ სააკაშვილი საკმაოდ დიდი პოპულარობით სარგებლობდა, როდესაც ის პირველად ჩავიდა უკრაინაში და ოდესის გუბერნატორი გახდა, თუმცა შემდგომში მისი რეიტინგები დაეცა. მისივე თქმით, კარგია, რომ დაკავებული არავინაა:

„სიტუაცია რთულია და მჭირდება უფრო მეტი ინფორმაცია, თუ რა ხდება ადგილზე. კარგია, რომ არავინაა ამწუთას დაკავებული. კარგი იქნება, თუ ვითარება დამშვიდდება. უკრაინას არეულობა აღარ სჭირდება.

მიხეილ სააკაშვილი საკმაოდ დიდი პოპულარობით სარგებლობდა, როდესაც ის პირველად ჩავიდა და ოდესის გუბერნატორი გახდა, თუმცა შემდგომში მისი რეიტინგები დაეცა. მიუხედავად იმისა, რომ სააკაშვილს მოქალაქეობა ჩამოართვეს და ქვეყანაში აღარ უშვებდნენ, საზღვარი გადაკვეთა და აქციებშიც მონაწილეობა დაიწყო. თუმცა, ამან მაინც ვერ შემატა მას პოპულარობა“, - აცხადებს ჯონ ჰერბსი „კურიერთან“ საუბრისას.

შეგახსენებთ, დღეს საქართველოს ყოფილი პრეზიდენტი, ოდესის ოლქის ყოფილი გუბერნატორი მიხეილ სააკაშვილი დააკავეს, თუმცა უკრაინის უსაფრთხოების სამსახურმა  მისი განყოფილებაში გადაყვანა ვერ შეძლო. სააკაშვილის მხარდამჭერებმა სპეცრაზმის ავტომობილი ალყაში მოაქციეს. ცოტა ხნის წინ კი, აქტივისტებმა სააკაშვილი მანქანიდან გადმოიყვანეს. სააკაშვილმა მხარდამჭერებს მადლობა გადაუხადა და კიევის მაცხოვრებლებს მოუწოდა, ქვეყნის პოროშენკოსგან გასათავისუფლებლად ბრძოლა დღესვე დაიწყონ.

მიხეილ სააკაშვილს დანაშაულებრივ ჯგუფებთან თანამშრომლობას და დანაშაულის დაფარვას ედავებიან.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს