საქართველოს ეროვნული ბანკის პრეზიდენტის კობა გვენეტაძის განცხადებით, გრძელვადიან პერიოდში ინფლაციის დაბალ ნიშნულზე შენარჩუნება, ნომინალური ეფექტური კურსის გამყარებას გამოიწვევს.

მისივე თქმით, საშუალო 3%-იანი ინფლაციის პირობებში, ნომინალურ ეფექტურ გაცვლით კურსს წლიურად საშუალოდ 2,5%-იანი გამყარების ტრენდი ექნება:

„მცურავი გაცვლითი კურსის რეჟიმი აუცილებელია კონკურენტუნარიანობის შენარჩუნებისა და გრძელვადიანი ეკონომიკური ზრდისთვის. მცურავი გაცვლითი კურსი ხასიათდება მოკლევადიანი მერყეობებით და ასრულებს შოკების მშთანთქავ ფუნქციას, რამდენადაც გაცვლითი კურსის ცვლილება ასუსტებს აღნიშნული შოკის  გავლენას რეალურ ეკონომიკაზე, ეკონომიკურ ზრდასა და ინფლაციაზე.თუ განვიხილავთ გაცვლითი კურსის გრძელვადიან დინამიკას, სხვაობა პროდუქტიულობის ზრდებს შორის განსაზღვრავს რეალური გაცვლითი კურსის დინამიკას.რეალური გაცვლითი კურსი კი თავის მხრივ ინფლაციის გათვალისწინებით, განსაზღვრავს ნომინალურ კურსს. გრძელვადიან პერიოდში ინფლაციის დაბალ  დონეზე შენარჩუნება ნომინალური ეფექტური კურსის გამყარებას გამოიწვევს.

მომავალში, თუ რეალური კურსის გამყარების ტრენდი შემცირდა 1, 5%-მდე, საშუალო 3%-იანი ინფლაციის პირობებში ნომინალურ ეფექტურ გაცვლით კურსს წლიურად საშუალოდ 2,5%-იანი გამყარების ტრენდი ექნება, რადგან საქართველოში ინფლაციის მიზნობრივი მაჩვენებლები უფრო ნაკლებია, ვიდრე ჩვენი პარტნიორების საშუალო შეწონილი ინფლაცია.

ეს ეხება ნომინალურ ეფექტურ კურსს და არა კურსს რომელიმე  ერთ ვალუტასთან დაკავშირებით. ლარის კურსის დინამიკა კონკრეტული ვალუტების მიმართ აღნიშნულის გარდა სხვა ფაქტორებზეც შეიძლება იყოს დამოკიდებული“,-აღნიშნა კობა გვენეტაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს