„სამართალდამცავმა ორგანოებმა დაკითხეს დაახლოებით, 150 პირი, თუმცა გამოძიებასთან თანამშრომლობის სურვილი ამ კონფლიქტთან, ამ ტრაგედიასთან დამოკიდებულებაში მყოფმა ცოტა ადამიანმა გამოთქვა“, - ამის შესახებ შინაგან საქმეთა მინისტრმა გიორგი გახარიამ ხორავას ქუჩაზე მომხდარ ტრაგედიასთან დაკავშირებით განაცხადა.

როგორც მინისტრმა აღნიშნა, საზოგადოებაში დანაშაულის სწორად აღქმა ჯერ კიდევ არ ხდება, რაც სერიოზული პრობლემაა.

„მინდა, ხაზგასმით აღვნიშნო, მიუხედავად იმისა, რომ მთელი ღამის განმავლობაში სამართალდამცავმა ორგანოებმა დაკითხეს, დაახლოებით, 150 პირი, ესენი გახლდნენ არასრულწლოვნების მშობლები, ოჯახის წევრები, ასევე, მათი კანონიერი წარმომადგენლები, გამოძიებასთან თანამშრომლობის სურვილი ამ კონფლიქტთან, ამ ტრაგედიასთან დამოკიდებულებაში მყოფმა ცოტა ადამიანმა გამოთქვა. ეს არის ძალზე სერიოზული პრობლემა და როგორც ჩანს, ჩვენს საზოგადოებაში დანაშაულის სწორად აღქმა ჯერ კიდევ არ ხდება“, - განაცხადა შს მინისტრმა.

შეგახსენებთ, ხორავას ქუჩაზე ურთიერთშელაპარაკებისას ორი მოსწავლე დაჭრეს. მათგან ერთი საავადმყოფოში მიყვანამდე გარდაიცვალა. რაც შეეხება მეორე მოსწავლეს, იგი დღეს, რესპუბლიკურ საავადმყოფოში დაიღუპა.

შსს-მ მომხდართან დაკავშირებით ერთი პირი უკვე დააკავა. უწყების ინფორმაციით, დადაგენილია ჩხუბში მონაწილე კიდევ ერთი პირის ვინაობა, რომლის დასაკავებლად ოპერატიულ-სამძებრო და საგამოძიებო ღონისძიებები მიმდინარეობს.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს