ტურიზმმა  საქართველოში ათი ათასობით სამუშაო ადგილის გენერირება მოახდინა, - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა თბილისის აბრეშუმის გზის ფორუმის სესიაზე „საქართველოს საინვესტიციო და სავაჭრო შესაძლებლობები“ გამოსვლისას.

პირველი ვიცე-პრემიერის განცხადებით, 2017 წლის ბოლოსთვის ტურიზმიდან საქართველოს ეკონომიკაში 2 მლრდ აშშ დოლარზე მეტი შემოსავალი იქნება მობილიზებული.

დიმიტრი ქუმსიშვილი ასევე შეეხო საქართველოს ტურიზმის განვითარების სტრატეგიას, რომელიც აღნიშნული სექტორის განვითარებას შეეხება 2025 წლისათვის. სტრატეგიის თანახმად, რომელიც მსოფლიო ბანკის მხარდაჭერით მომზადდა, საქართველომ 2025 წლისთვის 11 მლნ საერთაშორისო მოგზაურს უნდა უმასპინძლოს.

პირველი ვიცე-პრემიერის განცხადებით, საქართველოში ტურიზმის განვითარების უდიდესი შესაძლებლობა არსებობს. მისი თქმით, სახელმწიფო აგრძელებს ტურიზმის მხარდაჭერას და ყოველწლიურად დაახლოებით 50 მლნ ლარი იხარჯება როგორც ინფრასტრუქტურის, ისე სექტორის სხვა პრიორიტეტების შესაბამისად.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს