საქართველოს იუსტიციის სამინისტროს სსიპ „დანაშაულის პრევენციის ცენტრის“ მედიაციის სახლში არასამთავრობო ორგანიზაციების წარმომადგენლებისთვის გაცნობითი შეხვედრა გაიმართა.

შეხვედრას ახალგაზრდების პრობლემებზე მომუშავე 40-მდე ორგანიზაციის წარმომადგენელი დაესწრო.

როგორც ღონისძიებაზე აღინიშნა, მსგავსი საინფორმაციო შეხვედრები ძალიან მნიშვნელოვანია როგორც ცენტრისთვის, ისე არასამთავრობო სექტორისთვის. სტუმრები დანაშაულის პრევენციის ცენტრის  მიზნებს, მიმდინარე პროგრამებსა და სამომავლო გეგმებს გაეცნენ.

შეხვედრის მიზანი იყო ერთი მხრივ, დანაშაულის პრევენციაზე მიმართული სახელმწიფო პოლიტიკის გაცნობა და მეორე მხრივ, მეტი კოორდინაცია სამთავრობო და არასამთავრობო სექტორებს შორის. შეხვედრა ინტერაქტიულ ფორმატში წარიმართა. არასამთავრობო ორგანიზაციების წარმომადგენლები დაინტერესდნენ როგორც ყოფილ პატიმართა რეაბილიტაციის შედეგებით, ისე ახალგაზრდული პროგრამებით, თუ როგორ მიმდინარეობს მოზარდების სამოქალაქო ცნობიერების განვითარების ხელშეწყობის გზით არასრულწლოვანთა შორის დანაშაულის პრევენცია.

იუსტიციის სამინისტროს დანაშაულის პრევენციის ცენტრის მისიაა საქართველოში დანაშაულის რეციდივის თავიდან აცილების ხელშეწყობა, რისკ ჯგუფებთან მუშაობა და პირველადი დანაშაულის პრევენციასთან დაკავშირებული ღონისძიებების გატარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს