საქართველო 2018 წელს შანხაიში იმპორტ-ექსპორტის საერთაშორისო გამოფენაში მიიღებს მონაწილეობას.

ქართულმა მხარემ მოწვევა ჩინეთის სახალხო რესპუბლიკის კომერციის მინისტრის მოადგილისგან მიიღო - ციენ ქემინგი თბილისის აბრეშუმის გზის ფორუმს ესწრება.

საქართველოს პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ჩინეთის კომერციის მინისტრის მოადგილესთან დღეს ფორუმის ფარგლებში შეხვედრა გამართა.

დიმიტრი ქუმსიშვილის ინფორმაციით, ქართულმა მხარემ ციენ ქემინგისგან მიიღო მოწვევა გამოფენაზე, სადაც ქართულ მხარეს სპეციალური სტატუსი ექნება. მინისტრის განცხადებით,  საქართველოს საშუალება ექნება, გამოფენაზე ის ძირითადი ქართული პროდუქცია წარადგინოს, რომელიც ჩინეთის ბაზრისთვის შესაძლოა  საინტერესო იყოს. „მათ შორის ეს არის ქართული ღვინო, სადაც მხოლოდ წელს ჩვენ გვაქვს 80%-ზე მეტი ზრდა ჩინეთის ბაზარზე, მინერალური წყლები და რა თქმა უნდა, ტურისტული მომსახურება“, - აღნიშნა პირველმა ვიცე პრემიერმა.

(NS)

ავტორი: ,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის