2017-11-28 16:49:20, 2231 ნახვა
სამართალი
სტრასბურგის სასამართლომ საქართველოს ვანო მერაბიშვილისთვის 4 ათასი ევროს გადახდა დააკისრა
ადამიანის უფლებათა ევროპულმა სასამართლომ საქართველოს ვანო მერაბიშვილისთვის მორალური კომპენსაციის სახით, 4 000 ევროს გადახდა დაავალა.
როგორც სასამართლოს გადაწყვეტილებაშია აღნიშნული, მოსარჩელე 15 000 ევროს ითხოვდა.
ამასთან, იუსტიციის მინისტრმა თეა წულუკიანმა დღეს გამართულ პრესკონფერენციაზე განაცხადა, რომ მერაბიშვილის ადვოკატებისთვის ჰონორარის სახით მოთხოვნილი თანხების ნაწილში მომჩივნის შუამდგომლობა სრულად იქნა უარყოფილი და ამ ნაწილში სასამართლომ კომპენსაცია მომჩივნის ადვოკატებს არ მიანიჭა.
„ბრიტანელი ადვოკატები ითხოვდნენ 29 775 გირვანქა სტერლინგის ანაზღაურებას სახელმწიფოსგან ჰონორარის სახით, ხოლო ოთარ კახიძე, ასევე ითხოვდა ჰონორარის სახით სახელმწიფოსგან 43 641 აშშ დოლარის ანაზღაურებას“, - განაცხადა წულუკიანმა.
![]()
ავტორი: ,
epn.ge (@expressnews.ge)
