„განხილვა გაგრძელდება, ჩვენ გვექნება შემდეგი შეხვედრა თბილისში, პარლამენტის სხდომათა დარბაზში და ამის შემდეგ შედგება კიდევ ერთი შეხვედრა კონსტიტუციური ორგანოების წარმომადგენლებთან",- ამის შესახებ საქართველოს პარლამენტის თავმჯდომარემ ჟურნალისტებს საკონსტიტუციო ცვლილებების საყოველთაო-სახალხო  განხილვის დასრულების შემდეგ განუცხადა.

ირაკლი კობახიძემ ქუთაისში დღეს გამართული განხილვის შესახებაც ისაუბრა და აღნიშნა, რომ შედგა საინტერესო და აკადემიური დისკუსია.

„შედგა პირველი შეხვედრა საყოველთაო-სახალხო განხილვის ფორმატის ფარგლებში. გვქონდა შეხვედრა დასავლეთ საქართველოს აკადემიური წრეების წარმომადგენლებთან, ქუთაისის, ბათუმისა და ზუგდიდის უნივერსიტეტების წარმომადგენლებთან, პროფესურასთან, სტუდენტებთან, ასევე, დასავლეთ საქართველოდან  გვყავდნენ მედიის და არასამთავრობო ორგანიზაციების წარმომადგენლები და ჩვენ მათთან ერთად, მუხლობრივად განვიხილეთ ის საკონსტიტუციო ცვლილებები, რომლებიც დამტკიცდა პარლამენტის მიერ, და ასევე, ცალკე შევეხეთ ახალ ინიციატივას, იმ ხუთ ცვლილებას, რომელიც უნდა შევიდეს საქართველოს კონსტიტუციაში. იყო ძალიან საინტერესო განხილვა, ძალიან აკადემიური განხილვა და ჩვენ მოვისმინეთ მოსაზრებები კონკრეტულ საკითხებთან დაკავშირებით",- განაცხადა პარლამენტის თავმჯდომარემ.

ავტორი: ,

სოციალური ქსელები

ნინო ნადირაძე ხოშტარიას ვივა-მედში გადაყვანაზე: კიდე კაი, შაბათ-კვირა შემარგეს

პაპუაშვილი: გეოპოლიტიკური თამაშები აღრმავებს უფსკრულს ელიტებსა და ხალხს შორის

მონაკოში მომხდარი აფეთქების შედეგად უკრაინელი ოლიგარქი და მისი ცოლი მძიმედ დაშავდნენ

SJC: ევროპულმა სასამართლომ FARA-სა და გრანტების კანონთან დაკავშირებით საჩივრის არსებითი განხილვა დაიწყო