ეროვნული სანავიგაციო სისტემის პროექტის ფარგლებში, საჯარო რეესტრის ეროვნულმა სააგენტომ თბილისში საველე აღწერითი სამუშაოები დაასრულა.

საჯარო რეესტრის ინფორმაციით, საველე ოპერატორებმა თბილისში საზოგადოებრივი მნიშვნელობის  გეოგრაფიული ობიექტები შესაბამისი ფოტომასალით აღწერეს.   41 ათასზე მეტ აღწერილ ობიექტს შორის არის განთავსებისა და კვების, ისტორიული, კულტურული,  სპორტული, რეკრეაციული, ტურისტული, სავაჭრო დაწესებულებები, ადმინისტრაციული შენობები, ბანკები, ბანკომატები, ბენზინ და გაზგასამართი სადგურები და სხვა.   სრულად იქნა აღწერილი გზათა ქსელი  და საგზაო ნიშნები.       

საველე წესით შეგროვებულ გეოგრაფიულ მონაცემებს, საჯარო რეესტრი, საერთაშორისო სტანდარტების გათვალისწინებით დაამუშავებს და  ეროვნული სანავიგაციო სისტემის შესაქმნელად გამოიყენებს. პარალელურად, სააგენტო ნავიგაციის ელექტრონული აპლიკაციის შესაქმნელად მუშაობს, რომელშიც  შეგროვებული მონაცემები ჩაიტვირთება.  სანავიგაციო აპლიკაცია მოხმარებელს ინფორმაციის მოძიებას, ადგილმდებარეობის იდენტიფიცირებას და დანიშნულების ადგილამდე მისასვლელი ოპტიმალური მარშრუტის შერჩევას გაუადვილებს.

საჯარო რეესტრი გეომონაცემებს მსოფლიო ლიდერ სანავიგაციო კომპანიებსაც (TomTom, Google) მიაწვდის, რომლებიც  მონაცემებს  თავიანთ პროდუქტებში: ელექტრონული რუკების მობილურ და ვებ აპლიკაციებში, ავტომობილების ბორტკომპიუტერებში და სხვა სანავიგაციო სისტემებში ასახავენ.

ეროვნული სანავიგაციო სისტემის ჩამოყალიბებისა და მონაცემების მსოფლიო სანავიგაციო სისტემებში ინტეგრირების მიზნით, იუსტიციის სამინისტროს საჯარო რეესტრის ეროვნული სააგენტო ეროვნული ნავიგაციის სისტემის შექმნისა და განვითარების  პროექტს ახორციელებს.

პროექტის ფარგლებში, ქვეყნის მასშტაბით უკვე დასრულებულია: შავი ზღვის სანაპირო ზოლის, გარდაბნის, რუსთავის, გორისა და მცხეთის, ასევე, შიდასაქალაქო და მაგისტრალური საავტომობილო გზების გარკვეული მონაკვეთების საველე აღწერა.  სულ აღწერილია: 794 კმ2  არეალი,   59958 ინტერესის ობიექტი, 37 308 საგზაო ნიშანი და 5678 კმ გზათა ქსელი.

(NS)

ავტორი: ,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა