ზურაბ წერეთლის თანამედროვე ხელოვნების მუზეუმში წიგნის „თბილისის საპატიო მოქალაქეები“ პრეზენტაცია გაიმართა.

 წიგნი, რომელიც საპატიო თბილისელების ბიოგრაფიასა და ღვაწლს აღწერს, სტუმრებს თბილისის მერმა დავით ნარმანიამ წარუდგინა. 

ღონისძიებას,  თბილისის საპატიო მოქალაქეებთან და მათი ოჯახის წევრებთან ერთად, თვითმმართველობის არჩევნებში გამარჯვებული თბილისის მერობის  კანდიდატი კახა კალაძე, საკრებულოს თავმჯდომარე გიორგი ალიბეგაშვილი, საკრებულოს მოქმედი წევრები და თვითმმართველობის არჩევნებში გამარჯვებული საკრებულოს წევრობის კანდიდატები  დაესწრნენ.

„ეს არის წიგნი, რომელიც ჩვენი ქალაქისთვის გამორჩეული ადამიანების განსაკუთრებულ მოღვაწეობას კიდევ ერთხელ უსვამს ხაზს. ფასდაუდებელია იმ 273 საპატიო თბილისელის ღვაწლი დედაქალაქის და სამშობლოს წინაშე, რომლებზეც აღნიშნული წიგნი მოგვითხრობს“,- განაცხადა დავით ნარმანიამ.

წიგნი „თბილისის საპატიო მოქალაქეები“  თბილისის მერის ინიციატივით გამოიცა და მასში მოთხრობილია ყველა იმ ადამიანის დამსახურებები, რომელთაც თბილისის საპატიო მოქალაქის წოდება 1979 წლიდან 2016 წლის ჩათვლით მიენიჭათ. 

წიგნში მხატვრულად არის გადმოცემული საპატიო თბილისელების ბიოგრაფიული ცნობები, რომელიც  თბილისის შესახებ პატარა ისტორიებს წარმოადგენს. 

თანამედროვე ხელოვნების მუზეუმში გამართულ ღონისძიებას მუსიკალურად თბილისის „ბიგ ბენდი“ აფორმებდა.

ტექსტის ავტორი ირაკლი სამსონაძე, გამოცემის დიზაინერი კი ირინა აბჟანდაძეა. 

(NS) 

ავტორი: ,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა