ბორჯომის პირველი საჯარო სკოლის მოსწავლეებმა, სოხუმის დაცემის დღე, ქალაქის ცენტრში, ასფალტზე ხატვის აქციით აღნიშნეს, რა დროსაც ხელში "ქართული ოცნების" დროშები ეჭირათ, - ამის შესახებ ინფორმაციას „ბორჯომი ტვ“ ავრცელებს.

როგორც ხატვის პედაგოგმა ნათელა ღლონტმა აღნიშნა, დროშები აქციაზე ვიზუალური ეფექტისთვის მიიტანა.

""არ შეიძლება პარტიის დროშა, ბავშვები არიან აპოლოტიკურები. ეს ჩვეულებრივი დროშაა და ჩვეულებრივად გამოვიტანე. თუმცა, ეტყობა ჩავიჭერი", - განაცხადა პედაგოგმა.

ამასთან, მმართველი გუნდის საარჩევნო შტაბში ამბობენ, რომ ამ აქციასთან კავშირი არ აქვთ. მათივე თქმით, დროშებს ყველას ჩუქნიან, ვისაც ამის სურვილი აქვთ.

აღნიშნულთან დაკავშირებით, "ექსპრესნიუსი" განათლების სამინისტროს დაუკავშირდა. უწყებაში აცხადებენ, რომ ზოგადი განათლების შესახებ კანონის თანახმად, სკოლა თავისუფალი უნდა იყოს პოლიტიკისა და პოლიტიკური აგიტაციისგან.

უწყების ინფორმაციით, სამინისტროს შიდა აუდიტის დეპარტამენტი ამ ფაქტით დაინტერესდება და შესაბამის ზომებს მიიღებს.

ავტორი: ,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას