დღეს ჩვენ აღვნიშნავთ საქართველოსა და მსოფლიო ბანკის პარტნიორობისა და მეგობრობის 25 წლისთავს, - ამის შესახებ პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მსოფლიო ბანკის ვიცე-პრეზიდენტ სირილ მიულერთან შეხვედრის შემდეგ გამართულ ბრიფინგზე განაცხადა. 

როგორც მინისტრმა აღნიშნა, საქართველოში რეფორმები მსოფლიო ბანკის ვიცე-პრეზიდენტის თვალწინ განვითარდა.

„მინდა პერსონალურადაც გადავუხადო დიდი მადლობა ბატონ მიულერს. ის მონაწილეობდა პირველ შეხვედრაში საქართველოსა და მსოფლიო ბანკს შორის, რომელიც 1990-იან წლების დასაწყისში ვაშინგტონში საქართველოს მაშინდელ ხელმძღვანელს ედუარდ შევარდნაძესა და მსოფლიო ბანკის პრეზიდენტს შორის გაიმართა. ეს ადამიანი, რომლის თვალწინ საქართველოში რეფორმები განვითარდა", - განაცხადა ქუმსიშვილმა.

პირველი ვიცე-პრემიერის განცხადებით, მსოფლიო ბანკის ვიცე-პრეზიდენტი კარგად იცნობს საქართველოს და არის მისი რეალური მატიანე.

„როგორც ბატონი მიულერი ჰყვება, 1993 წელს ის პრეზიდენტის ადმინისტრაციასთან ერთად მუშაობდა თანამეგობრობისთვის გასაგზავნი წერილის მოსამზადებლად, რომ საქართველოს დახმარებოდნენ," - განაცხადა დიმიტრი ქუმსიშვილმა.

ავტორი: ,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ