მსოფლიო ბანკის ევროპისა და ცენტრალური აზიის რეგიონის ვიცე-პრეზიდენტის სირილ მიულერის განცხადებით, ბანკი 25 წლის განმავლობაში საქართველოს პარტნიორია. 

მიულერის თქმით, საქართველო აყვავებული და დამოუკიდებელი ქვეყანაა, რომელშიც ბევრი წარმატებული რეფორმა განხორციელდა. 

„ადრეულ წლებში, როდესაც საქართველოში ჩამოვდიოდი, მოსახლეობას ვეკითხებოდი ქუჩაში, რას ელით, საქართველო სად იქნება 5-10 წელიწადში? ბევრი ეჭვით უყურებდა მომავალს, ახლა 25 წლის თავზე ვხედავ ქუჩაში ხალხს, დამოუკიდებელ საქართველოში აყვავებულს. ძალიან ბევრი შოკი გამოვიარეთ ერთად, ერთად გამოვიარეთ ეკონომიკური კრიზისი. როდესაც პირველად საქართველოში ჩამოვედი, ძალიან განსხვავებული იყო დღევანდელთან შედარებით, ჩვენთვის ყოველთვის დიდი პატივია საქართველოსთან თანამშრომლობა. საქართველოს წარმატების ერთ-ერთი მნიშვნელოვანი ელემენტი ის გახლავთ, რომ საქართველო ძლიერი რეფორმატორი ქვეყანაა, მან 25 წლის განმავლობაში ეს დაამტკიცა. ეკონომიკის რეფორმას ახორციელებდა და ეს პროგრესი მომავალშიც უნდა გააგრძელოს“,- აღნიშნა მიულერმა.

როგორც ვიცე-პრეზიდენტმა აღნიშნა, დამოუკიდებლობის მოპოვებამდე საქართველო დაბალი შემოსავლის მქონე ქვეყანა იყო, ახლა კი, საშუალო შემოსავლების მქონე გახდა. 

„ახლა მსოფიო ბანკი საქართველოში კვლევას ატარებს, იმისათვის რომ დადგინდეს, თუ რა აფერხებს ეკონომიკურ ზრდას. ამ კვლევის საფუძველზე ჩვენ დავადგენთ რა არის საქართველოში ეკონომიკური ზრდის მოდელი. მე მინდა, პირველ ვიცე-პრემიერს, დიმიტრი ქუმსიშვილს მოვუწოდო, რომ საჯარო ფინანსების მართვა ძალიან მნიშვნელოვანია და ამაზე ყურადღების გამახვილება უნდა მოხდეს. იმედი მაქვს, რომ მსოფლიო ბანკი საქართველოს პარტნიორად დარჩება და მომავალშიც მხარს დაგიჭერთ“,- განაცხადა სირილ მიულერმა.

ავტორი: ,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ