დიმიტრი ქუმსიშვილი მსოფლიო ბანკის ვიცე-პრეზიდენტსა და დელეგაციას ხვდება

2017-09-15 11:09:28, 2210 ნახვა

ეკონომიკა

პირველი ვიცე-პრემიერი, ფინანსთა მინისტრი დიმიტრი ქუმსიშვილი მსოფლიო ბანკის ვიცე-პრეზიდენტს სირილ მიულერსა და მსოფლიო ბანკის დელეგაციას ხვდება.

შეხვედრაზე საუბარი საქართველოს მაკროეკონომიკურ მდგომარეობაზე, მსოფლიო ბანკთან ურთიერთობის არსებული და მომავალი თანამშრომლობის პრიორიტეტული მიმართულებების შესახებ მიმდინარეობს.

შეხვედრის შემდეგ, საქართველოს პირველი ვიცე-პრემიერი დიმიტრი ქუმსიშვილი და მსოფლიო ბანკის ვიცე-პრეზიდენტი სირილ მიულერი მედიისთვის ერთობლივ ბრიფინგს გამართავენ.

დღის მეორე ნახევარში, საქართველოს პარლამენტის ეროვნულ ბიბლიოთეკაში გაიმართება საქართველოსა და მსოფლიო ბანკის თანამშრომლობის 25 წლისთავთან დაკავშირებული ფორუმი, რომლის მუშაობაშიც მსოფლიო ბანკის ვიცე-პრეზიდენტი სირილ მიულერი ასევე მიიღებს მონაწილეობას.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები