იუსტიციის უმაღლეს სკოლაში სამოსამართლო კანდიდატების სერტიფიკატების გადაცემის ღონისძიება გაიმართა.

იუსტიციის უმაღლესი სკოლის, იუსტიციის მსმენელთა მე-11 ჯგუფის 8 მსმენელს სერტიფიკატები იუსტიციის უმაღლესი სკოლის დამოუკიდებელი საბჭოს თავმჯდომარე/თბილისის საქალაქო სასამართლოს თავმჯდომარემ  მამუკა ახვლედიანმა და იუსტიციის უმაღლესი სკოლის დირექტორმა ლაშა მაღრაძემ გადასცეს.

როგორც ჟურნალისტებთან საუბრისას  იუსტიციის დამოუკიდებელი საბჭოს თავმჯდომარემ მამუკა ახვლედიანმა აღნიშნა,კონკურსში მონაწილე ყველა კანდიდატი, რომელიც დაამთავრებს იუსტიციის უმაღლეს სკოლას დაინიშნება მოსამართლედ. 

„მსგავსი კონკურსის გასავლელად კანდიდატმა უნდა ჩააბაროს გამოცდა იუსტიციის უმაღლეს საბჭოში, შესაბამისად შერჩეული კანდიდატები იუსტიციის უმაღლეს სკოლაში გაივლიან სწავლების სრულ კურსს. ამის შემდგომ ხდება ისევ კონკურსში მონაწილეობის მიღება და ყველა ის კანდიდატი, რომელიც დაამთავრებს იუსტიციის უმაღლეს სკოლას დაინიშნება მოსამართლედ. მინდა მათ წარმატება ვუსურვო“,-განაცხადა მამუკა ახვლედიანმა.

იუსტიციის უმაღლესი სკოლის მე-11  ჯგუფის 8 მსმენელმა წარმატებით დაასრულა იუსტიციის უმაღლეს სკოლაში იუსტიციის მსმენელთა 10 თავიანი სასწავლო პროგრამა. 

იუტიციის უმაღლეს სკოლაში მათი სრული სასწავლო კურსის ვადა განისაზღვრა „იუსტიციის უმაღლესი სკოლის შესახებ“ საქართველოს კანონის თანახმად.

ამასთან, იუსტიციის უმაღლესი სკოლის მსმენელებმა 10 თავიანი სასწავლო პროგრამის  ფარგლებში გაიარეს, როგორც პრაქტიკაზე ორიენტირებული თეორიული სწავლება, ასევე  სავალდებულოა სტაჟირება თბილისის საქალაქო სასამართლოში, სასემინარო მუშაობა და წარმატებით ჩააბარეს იუსტიციის უმაღლეს სკოლაში სწავლების დამამთავრებელი გამოცდა, მათი მონაცემები  იუსტიციის უმაღლესი სკოლის დამოუკიდებელი საბჭოს 2015 წლის 16 მარტის გადაწყვეტილებით მსმენელთა საკვალიფიკაციო სიაშია შეტანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მამა იერონიმე ქათამაძე: არის რაღაც ინფორმაციები, რომ ახალი პატრიარქი შეძლებს საყოველთაო შერიგებას

მეუფე ნიკოლოზი: მიმაჩნია, რომ ქვეყანაში სინდისის პატიმრები და პოლიტიკური პატიმრები საერთოდ არ უნდა იყვნენ

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს