ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ევროპის რეკონსტრუქციისა და განვითარების ბანკის პრეზიდენტის საქართველოში ვიზიტს გამოეხმაურა.

სახელმწიფო მინისტრმა აღნიშნული ვიზიტის მნიშვნელობას გაუსვა ხაზი და განაცხადა, რომ საქართველო არის ძალიან კარგი მაგალითი იმისა, თუ სად უნდა ჩაიდოს EBRD-ის და ევროპული ბანკების მომავალი ინვესტიციები.

"მოგეხსენებათ რამდენად მნიშვნელოვანია ის პრიორიტეტი, რომელიც ჩვენი ქვეყნის ეკონომიკის სტაბილურ განვითარებას ემსახურება. ბატონი ჩაკრაბარტის ვიზიტმა კიდევ ერთხელ ცხადყო, რომ მთავრობის მუშაობა ამ მიმართულებით ზედმიწევნით სწორია. ის ნაბიჯები, რომელიც აქამდე გადაიდგა და მომავალშია დაგეგმილი არის აბსოლუტურად ადეკვატური და ემსახურება იმ გამოძახილს, გამოწვევებს, რომელიც არამხოლოდ რეგიონში, არამედ თუნდაც მსოფლიო მასშტაბით არის. მან აღნიშნა, რომ საქართველო არის ძალიან კარგი მაგალითი იმისა, თუ სად უნდა ჩაიდოს EBRD-ის და ევროპული ბანკის მომავალი ინვესტიციები. საქართველო არის სწორედ იმ ვითარებაში რა ვითარებაშიც იყო 2000 წლის დასაწყისში ვიშეგრადის ქვეყნები - პოლონეთი, ჩეხეთი, სლოვაკეთი, უნგრეთი და ასევე, ბალტიის ქვეყნები, როდესაც მათი ეკონომიკური წინსვლა, ინფრასტრუქტურული მოწყობა იმ პერიოდში დაიწყო, რომლის შემდგომ მათი სრულფასოვანი ინტეგრაცია მოხერხდა ევროკავშირის ზონაში. ანალოგიურ ვითარებაში იმყოფება დღეს საქართველო და ამ მიმართულებით ქვეყნის ხელისუფლება დგამს სწორ ნაბიჯებს. ვფიქრობ, ეს არის ძალიან სერიოზული გამოძახილი უკვე გატარებული რეფორმებისა და იმისა, თუ რამდენად სწორად თანამშრომლობს ჩვენი ხელისუფლება როგორც ევროპის რეკონსტრუქციისა და განვითარების ბანკთან, ასევე საერთაშორისო საფინანსო ინსტიტუტებთან. რაც ყველაზე მთავარია, იმ გამოწვევებთან დაკავშირებით აბსოლუტურად სწორ და გრძელვადიან მომავალზე გათვლილ ნაბიჯებს ვდგამთ. ეს არის ძალიან მნიშვნელოვანი ვიზიტი, სიგნალი, რომელიც გუშინ გამოსცა ჩვენმა კოლეგამ და მე დარწმუნებული ვარ, რომ იმ ნაბიჯებს, რომელიც დაგეგმილია როგორც მოკლევადიან ასევე საშუალოვადიან და გრძელვადიან პერსპექტივაში, ჩვენ ზედმიწევნით სწორად განვახორციელებთ",- განაცხადა დოლიძემ.

ავტორი: ,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს