ვოლსკი: საკონსტიტუციო საკითხებზე ვენეციის კომისიას არ შეიძლება ჰქონდეს შენიშვნები

2017-09-07 03:56:04, 2347 ნახვა

პოლიტიკა

„საკონსტიტუციო საკითხებთან დაკავშირებით ვენეციის კომისიას არ შეიძლება ჰქონდეს შენიშვნები“, - ამის შესახებ პარლამენტის ვიცე-სპიკერმა გია ვოლსკიმ ჟურნალისტებს განუცხადა.

როგორც მან აღნიშნა, ვენეციის კომისიის ძირითადი ფუნქციაა, სხვადასხვა ქვეყნებს სამართლებრივ საკითხებზე რჩევები მისცეს.

„მოველი, რომ საკონსტიტუციო საკითხებთან დაკავშირებით ვენეციის კომისიას არ შეიძლება ჰქონდეს შენიშვნები. რასაკვირველია ველოდებით იმას, რასაც ჩვენ მუდმივად ვამბობთ და გვსურს - ეს არის კონსენსუსის საჭიროება ჩვენს ქვეყანაში. თუკი ეს კონსენსუსი არ მიიღწევა, იმ წითელი ხაზის, როგორც ჩვენი ოპონენტები ამბობენ, რასაც ფაქტიურად ჰქვია ულტიმატუმი, ეს ყოფილა ის რეალობა, რის წინაშეც ჩვენ ვდგავართ. აქედან გამომდინარე უნდა ვიმოქმედოთ ქვეყნის ინტერესების შესაბამისად“, - აღნიშნა გია ვოლსკიმ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები