თბილისის ზოოპარკში ორი ლემური დაიბადა

2017-09-06 05:21:53, 2286 ნახვა

საზოგადოება

თბილისის ზოოპარკში ორი ლემური დაიბადა.

ინფორმაციას ზოოპარკის პრესსამსახური ავრცელებს:

„ჩვენს ლემურს, ქალბატონ კიჭას ტყუპები გაუჩნდა. ორი ცანცარა და გაწლიკული ლემურიკო. ფარფალა ყურებით, წვნიკი კისრებითა და დაყვლეპილი თვალებით უცხოპლანეტელებს ჰგვანან. სულ დედას არიან ჩაფრენილები და ასე, ზურგზე ამხედრებულები შეიმეცნებენ სამყაროს. გუშინ პირველად გამოვუშვით გარე ვოლიერში და ახლა თქვენც შეგიძლიათ მობრძანდეთ და მოინახულოთ.

ერთადერთი ადგილი მსოფლიოში, სადაც ბუნებაში კატისებრი ლემურის ნახვაა შესაძლებელი, კუნძული მადაგასკარია. ამ ცხოველს სხვა სახეობის ლემურებისგან გრძელი, რგოლებით მოხატული კუდი განასხვავებს. აქტიურია დღის განმავლობაში. შესანიშნავად დაძვრება ხეებზე, თუმცა მიწაზეც დიდ დროს ატარებს. კატისებრი ლემურის სიცოცხლის ხანგრძლივობა 15 წელია“, - აცხადებენ თბილისის ზოოპარკში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები