მთაწმინდაზე ხანძრის შედეგად 2 ჰექტარამდე ტყის მასივი დაიწვა

2017-08-09 08:54:49, 2946 ნახვა

საზოგადოება

მთაწმინდის ფერდობზე ხანძრის შედეგად 2 ჰექტარამდე ტყის მასივი დაიწვა.

შსს-ს ინფორმაციით, ხანძრის ქრობის პროცესში წუხელ 70-მდე მეხანძრე-მაშველი და 11 სახანძრო-სამაშველო ტექნიკა იყო ჩართული. შემთხვევის ადგილზე იმყოფებოდნენ შს მინისტრის მოადგილე მერაბ მალანია და საგანგებო სიტუაციების მართვის სააგენტოს დირექტორი ნიკოლოზ სირაძე.

რთული რელიეფური მდებარეობის გამო, სახანძრო-სამაშველო ტექნიკის გადაადგილება გართულებული იყო, თუმცა, მეხანძრე-მაშველების მუშაობის შედეგად, ხანძრის გავრცელების საშიშროება მალევე აღმოიფხვრა. მიმდებარე ტერიტორიაზე დასახლებულ პუნქტებს საფრთხე არ შექმნია.

ამ დროისთვის ხანძარი სრულად არის ლიკვიდირებული.

მომხდარზე გამოძიება სისხლის სამართლის კოდექსის 188-ე მუხლის მეორე ნაწილით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან