ევროპასთან ინტეგრაციის კომიტეტის წევრის სოფიო ქაცარავას განცხადებით, მმართველი გუნდი იყენებს ყველა ფორმატსა და მექანიზმს, რათა ოკუპირებულ ტერიტორიებთან დაკავშირებული საკითხები  საერთაშორისო თანამეგობრობის დღის წესრიგში იდგეს.

ქაცარავას თქმით, ამ თემაზე ოპონენტების მხრიდან სპეკულაციები საფუძველს მოკლებულია:

„ყველა დონეზე მართლაც არ ვიშურებთ არანაირ ძალისხმევას, რომ მშვიდობიანი გზით ჩვენ ოკუპირებულ ტერიტორიებთან დაკავშირებული უდიდესი პრობლემა მოვაგვაროთ. ხაზგასმით მინდა კიდევ ერთხელ აღვნიშნო, რომ ჩვენ ვიყენებთ ყველა ფორმატსა და მექანიზმს, ორმხრივს თუ მრავალმხრივს იმისთვის, რომ ეს თემები ყოველთვის მაღალ დონეზე, ნებისმიერ დონეზე იქნას განხილული და იდგეს საერთაშორისო თანამეგობრობის დღის წესრიგში. ჩვენ ამ მხარდაჭერის შედეგებს, რა თქმა უნდა, ყოველდღიურად ვხედავთ. შესაბამისად, ყველა ის სპეკულაცია, რასაც ოპონენტების მხრიდან ვისმენთ, საფუძველს მოკლებულია და  ყოვლად მიუღებელია ჩვენთვის. ცალსახაა, რომ ოკუპირებული ტერიტორიების საკითხი კიდევ უფრო აქტუალური ხდება იმის ფონზე, როდესაც ვხედავთ რუსეთის მხრიდან პროვოკაციულ ქმედებებს. ჩვენი პარტნიორების მხრიდან გრძელდება საქართველოს ტერიტორიული მთლიანობის მტკიცე მხარდაჭერა და ბოლო პერიოდში გაიზარდა აშშ-ს საკანონმდებლო და აღმასრულებელი წრეების ძლიერი მხარდაჭერა“, - აღნიშნა ქაცარავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა