ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი ვიქტორ დოლიძე სამუშაო ვიზიტით უნგრეთში, ქალაქ ბუდაპეშტში გაემგზავრა.

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინფორმაციით, ბუდაპეშტში 24-26 ივლისს, უნგრეთის საგარეო საქმეთა და ვაჭრობის მინისტრთან პიტერ სიიარტოსთან, პრემიერ-მინისტრის ოფისის სახელმწიფო მდივნის მოადგილესთან ევროკავშირის საკითხებში ბალაჟ მოლნართან, თავდაცვის სამინისტროს სახელმწიფო მდივანთან ტამაშ ვარგასთან (მინისტრის მოადგილე) და ეროვნული ასამბლეის (პარლამენტის) ევროპულ საქმეთა კომიტეტის თავმჯდომარესთან რიჩარდ ჰორჩიკთან შეხვედრებია დაგეგმილი.

უწყების ინფორმაციით, უნგრულ მხარესთან შეხვედრებზე მხარეები საქართველოს ევროკავშირსა და ნატოში ინტეგრაციის პროცესსა და ასოცირების შეთანხმების ეფექტიანი განხორციელების მიზნით დაგეგმილ ღონისძიებებს განიხილავენ.  

შეხვედრაზე  საუბარი შეეხება როგორც ევროკავშირთან საკანონმდებლო და ეკონომიკური დაახლოების, ასევე, ორმხრივ ფორმატში თანამშრომლობის გაღრმავების საკითხებს.

შეხვედრაზე ასევე ყურადღება გამახვილდება ევროკავშრითან სავიზო რეჟიმის ამოქმედების შემდგომ მიგრაციის პოლიტიკის შემუშავებისა და შემოდგომაზე დაგეგმილი აღმოსავლეთ პარტნიორობის სამიტისთვის მზადებასა და  მოლოდინებზე.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს