საქართველოში ამერიკის შეერთებული შტატების ელჩის იან კელის განცხადებით, "მიუღებელია, რომ 21-ე საუკუნეში მეზობლის მიერ ტერიტორიული მთლიანობის ასეთი უხეში დარღვევა ხდება".

როგორც იან კელიმ ჟურნალისტებს საოკუპაციო ხაზთან განუცხადა, ამერიკა არასდროს აღიარებს ე.წ. საზღვრებს.

"ეს ადგილი ახლოს არის ქვეყნის ცენტრალურ მაგისტრალთან, რომელსაც სტრატეგიული მნიშვნელობა გააჩნია. მიუღებელია, როდესაც 21-ე საუკუნეში ხდება ტერიტორიული მთლიანობის ასეთი უხეში დარღვევა მეზობლის მიერ. ამერიკის შეერთებული შტატები ამაზე საუბარს გააგრძელებს და ხმას აუმაღლებს. მიუღებელია საერთაშორისოდ აღიარებული საზღვრების ცალმხრივად შეცვლა. ამერიკა ამას არასდროს აღიარებს. ეს არის საქართველოს სუვერენიტეტის დარღვევა.  რაც შეეხება საკითხის მოგვარებას, ეს არის პრაგმატული მიდგომები, რომელიც საქართველოს აქვს, მეტი პროგრესი, ჟენევის მოლაპარაკებები და მეტი საუბარი ამ თემებზე", - განაცხადა იან კელიმ.

ცნობისთვის, დღეს სოფელ ბერშუეთში, საოკუპაციო ხაზთან საზოგადოების ერთი ნაწილის აქცია გაიმართა. აღსანიშნავია, რომ დღეს ბერშუეთში, 20:00 საათზე კიდევ ერთი აქციაა დაგეგმილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს