საგარეო საქმეთა მინისტრი, ვიცე-პრემიერი მიხეილ ჯანელიძე  გამოეხმაურა იმ ქმედებებს, რომელსაც  რუსეთის ფედერაცია ბოლო დღეების განმავლობაში საოკუპაციო ხაზზე ახორციელებს.

მისი თქმით, აღნიშნული ქმედებები მიუღებელია და, ბუნებრივია, საზოგადოების მღელვარება.

თუმცა,  ჯანელიძე ამბობს, რომ  რუსეთის ფედერაცია არასდროს  ყოფილა ამხელა საერთაშორისო წნეხის ქვეშ საქართველოში განხორციელებული და  მიმდინარე აგრესიისთვის, ვიდრე არის დღეს.

„ამის  ნათელი მაგალითია ის უპრეცედენტო გადაწყვეტილებები, რომელიც მიღებულია  გაეროს, ეუთოს,  ევროპის საბჭოს ფარგლებში. ასევე გადაწყვეტილებები,  რომლებიც მიღებულია ჩვენი პარტნიორი ქვეყნების მიერ, მაგალითად აშშ-ს როგორც ახალი ადმინისტრაციის, ასევე კონგრესის  მიერ. ასევე უნდა აღინიშნოს, რომ  არასდროს საქართველოს საგარეო პოლიტიკა არ ყოფილა ისე წარმატებული, როგორც არის დღეს. ისევე ყველა პრიორიტეტული მიმართულებით დას ამას  მოწმობს ის შედეგები, რომლებიც გვაქვს ევროპულ და ევროატლანტიკური ინტეგრაციის გზაზე. ასევე ჩვენი შედეგები  ჩვენი სტრატეგიული პარტნიორობის გაღრმავების, ამერიკის  შეერთებულ შტატებთან, ევროკავშირთან, წამყვან ევროპულ სახელმწიფოებთან. ასევე, ჩვენი წარმატებები ეკონომიკური დიპლომატიის კუთხით.  ჩვენი ურთიერთობები როგორც მეზობელ,  ასევე არაბულ, აზიულ ქვეყნებთან, ჩვენი წარმატებული ჩართულობა იმ სტრატეგიულ პროექტებში, რომელიც ჩვენი ქვეყნის გეოსტრატეგიულ მნიშვნელობას  უსვამს ხაზს და ორიენტირებულია ჩვენი ქვეყნის განვითარებაზე, მშვიდობასა და სტაბილურობაზე რეგიონში. არასდროს ასაქართველოს არ ჰქონია ასეთი ნდობა  საერთაშორისო  ასპარეზზე ჩვენი პარტნიორების  მხრიდან და მხარდაჭერა, როგორც  აქვს დღეს, ეს გამოხატულია იმ მაღალი დონის შეხვედრებში, ვიზიტებში, რომელიც  ხორციელდება და რომელიც დაგეგმილია საქართველოში“,-განაცხადა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს