საპატრიარქო ე.წ. საზღვრის გადმოწევაზე: შევთხოვთ ღმერთს, დაიცვას ჩვენი ქვეყანა და აღუდგინოს საზღვრები

2017-07-07 17:08:17, 2309 ნახვა

საზოგადოება

საქართველოს საპატრიარქო ე.წ. სამხრეთ ოსეთის სასაზღვრო ზოლის გადმოწევის შესახებ განცხადებას ავრცელებს.

როგორც განცხადებაშია ნათქვამი, აუცილებელია საერთაშორისო ორგანიზაციებისა და საქართველოს მეგობარი ქვეყნების ძალისხმევის გააქტიურება, რომ პროცესი შეჩერდეს.

"ცნობამ ე.წ. სამხრეთ ოსეთის სასაზღვრო ზოლის გადმოწევის შესახებ აღაშფოთა საქართველოს მოსახლეობა. სამწუხაროდ, უკვე არაერთხელ გავხდით მოწმე მსგავსი ქმედებისა, ვინაიდან ჩვენის მხრიდან ძალისმიერი წინააღმდეგობის გაწევა შეიძლება დიდი პროვოკაციის მიზეზად იქცეს, აუცილებელია საერთაშორისო ორგანიზაციებისა და საქართველოს მეგობარი ქვეყნების ძალისხმევის გააქტიურება, რომ აღნიშნული პროცესი შეჩერდეს და გამოსწორდეს. შევთხოვთ ღმერთს, დაიცვას ჩვენი ქვეყანა და აღუდგინოს მას თავისი საზღვრები", - აღნიშნულია საპატრიარქოს განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან