„არა ოკუპაციას“ - სოფელ ბერშუეთში მდებარე საოკუპაციო ხაზთან აქცია გაიმართება

2017-07-06 17:51:28, 2146 ნახვა

საზოგადოება

გორის რაიონის სოფელ ბერშუეთში მდებარე საოკუპაციო ხაზთან აქცია ლოზუნგით - "არა ოკუპაციას" გაიმართება.

როგორც Facebook-ში გავრცელებულ ინფორმაციაშია ნათქვამი, საოკუპაციო ხაზთან 8 ივლისს დაიწყება და 9 ივლისამდე გაგრძელდება.

"ახლახანს, სოფელ ბერშუეთში, საოკუპაციო ხაზზე ოკუპანტებმა ახალი ბანერი დაამონტაჟეს.

ბანერის დამონტაჟების შემდეგ, ათი ჰექტარი მიწის ფართობი ოკუპირებულ ტერიტორიაზე მოექცა. მცოცავი ოკუპაცია კვლავ გრძელდება და უმოქმედობა უნდა დასრულდეს !

8-9 ივლისს ვიკრიბებით გორის რაიონ სოფელ- ბერშუეთში, საოკუპაციო ხაზთან. ვაპირებთ კარვების გაშლას და იქ დაბანაკებას. მოხალისეებს შეუძლიათ შემოგვიერთდნენ დღის ნებისმიერ მონაკვეთში. მეგობრებო გაითვალისწინეთ შემდეგი მითითებები: არ მოგვაქვს ცივი და ცეცხლსასროლი იარაღები; არ მოგვაქვს ალკოჰოლური სასმელები; ხელს გამოაყოლეთ პატრიოტული და პოზიტიური განწყობა!!!", - აღნიშნულია ინფორმაციაში.

„გვეშინია, ამ უპატრონობის ჟამს რუსები სოფელში არ შემოვიდნენ“ - ბერშუეთის მცხოვრებლები დაცვას ითხოვენ

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან