საქართველოს პრემიერ-მინისტრმა გიორგი კვირიკაშვილმა  ვენეციის კომისიის პრეზიდენტთან,  ჯანი ბუკიკიოსთან მის სატელეფონო საუბარზე ისაუბრა.

კვირიკაშვილის თქმით, სატელეფონო საუბრისას საკონსტიტუციო ცვლილებების პროცესზე გაამახვილეს ყურადღება.

მისივე თქმით, ბუკიკიომ გამოხატა კმაყოფილება მმართველი გუნდის მზადყოფნის გამო, რომ გაგრძელდეს პოლიტიკური დიალოგი. 

„მოგეხსენებათ, რომ ეს პროცესი საკმაოდ მაღალი ჩართულობით მიმდინარეობდა. წინა საკონსტიტუციო ცვლილებების პროცესისგან განსხვავებით, იყო საჯარო განხილვები, სადაც ბევრი ადამიანი იყო ჩართული. გამოვთქვამთ მზადყოფნას, რომ კიდევ გავაგრძელოთ ეს დიალოგი, რათა მივიღოთ კონსტიტუცია, რომელიც იქნება გამოხატულება ჩვენი ქვეყნის უმრავლესობის ნების. ეს არის მნიშვნელოვანი, შეგვიძლია ვიმსჯელოთ იმაზე, რამდენად არის მზადყოფნა პოლიტიკურ სპექტრში კონსენსუსის მიმართულებით. ჩვენი მხრიდან გადავდგით ძალიან დიდი ნაბიჯები, რომელზეც დეტალურად აღარ ვისაუბრებ და კიდევ ერთხელ ვამბობ, მზად ვართ, კიდევ გავაგრძელოთ და  მოვნახოთ ზომები, სადაც შესაძლებელი იქნება რაღაცებზე შეთანხმება და ჩვენი მხრიდან კიდევ ერთხელ გამოვთქვამთ მზადყოფნას ამ მიმართულებით", - განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა