სოფლის მეურნეობის მინისტრმა, ლევან დავითაშვილმა, კახეთის გუბერნატორ ირაკლი ქადაგიშვილთან ერთად, სიღნაღის რაიონის სოფელ საქობოში გაშენებული ზეთისხილის  ბაღები დაათვალიერა და ქართული ზეთისხილის  გადამამუშავებელ  საწარმოში სამუშაო პროცესს გაეცნო.

როგორც „ექსპრესნიუსს“ სოფლის მეურნეობის სამინისტროდან აცნობეს, აღნიშნული საწარმო  ჰოლანდიურ-თურქული  ერთობლივი ინვესტიციითა და სოფლის მეურნეობის პროექტების მართვის სააგენტოს პროექტის „სოფლის მეურნეობის პროდუქციის გადამამუშავებელი  საწარმოების  თანადაფინანსება“ ფარგლებში გაიხსნა.

უწყების ინფორმაციით,  პროექტი, რომლის  საერთო საინვესტიციო ღირებულება დაახლოებით  5 მილიონი ლარია,   ბიზნესმენმა გიორგი სვანიძემ განახორციელა.

 ზეთისხილის საწარმო  ულტრათანამედროვე  ტექნოლოგიებითაა აღჭურვილი, რაც  უმაღლესი ხარისხის  კონკურენტუნარიანი  ქართული  პროდუქციის  წარმოების საშუალებას იძლევა.  ქარხნის წარმადობა სეზონზე რამდენიმე ასეული ტონა (საათში  10 ტონა)  ზეთისხილის მარინადის და ექსტრა ვირჯინის უმაღლესი ხარისხის ზეითუნის ზეთის წარმოების  შესაძლებლობას  ქმნის.

 ქართული ზეთისხილი განკუთვნილია  როგორც ადგილობრივი  ბაზრისთვის,   ასევე  საექსპორტოდ.  კომპანია სამომავლოდ  გეგმავს პროდუქცია   ამიერკავკასიის ქვეყნებში, ამერიკაში, ევროპასა  და დსთ-ს სივრცეში გაიტანოს.

ახალ  საექსპორტო  ბაზრებზე დამკვიდრებას კომპანია კარფურისა და სხვა   საერთაშორიოსო  სავაჭრო ქსელებთან თანამშრომლობით გეგმავს.  

წელს ქართული  ზეთისხილის  პირველ მოსავალს კომპანია საკუთარ საწარმოში გადაამუშავებს.   საწარმო  კახეთის რეგიონში 100 ადგილობრივს ასაქმებს. 

მომავალში  წიბწის, ბროწეულის  და ატმის კურკის ზეთის  წარმოების დაწყებაც იგეგმება, რათა წარმოება არამხოლოდ  სეზონურად, არამედ  მთელი წლის განმავლობაში იყოს შესაძლებელი. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ