შინაგან საქმეთა სამინისტროს  სხვადასხვა სტრუქტურული დანაყოფისა და ტერიტორიული ერთეულების წარმომადგენლებმა პერსონალური მონაცემების დაცვის საკითხებზე სამუშაო შეხვედრაში  მონაწილეობა მიიღეს.

უწყების პრესსამსახურის ინფორმაციით,  შეხვედრა ევროკავშირისა და გაეროს ადამიანის უფლებათა უმაღლესი კომისრის ოფისის (OHCHR) მხარდაჭერით, შსს-ს პოლიციის აკადემიასთან და საქართველოს პერსონალურ მონაცემთა დაცვის ინსპექტორის აპარატთან თანამშრომლობით ჩატარდა.

მათივე ინფორმაციით, შეხვედრაზე საქართველოში ადამიანის უფლებათა გაეროს უმაღლესი კომისრის ოფისის წარმომადგენელმა და პერსონალური მონაცემების დაცვის ინსპექტორის აპარატის თანამშრომლებმა პრეზენტაციები წარმოადგინეს.

შეხვედრის მონაწილეებმა დაწვრილებით განიხილეს „პერსონალურ მონაცემთა დაცვის“ შესახებ საქართველოს კანონის მოქმედების სფერო, პერსონალურ მონაცემთა დაცვის მნიშვნელობა, მისი დამუშავების პრინციპები და საფუძვლები, ფაილური სისტემის ცნება, კატალოგების წარმოება და პრაქტიკული მაგალითების საფუძველზე, პოლიციის მიერ საპოლიციო ღონისძიებების ფარგლებში ინფორმაციის მოგროვების თავისებურებებზე იმსჯელეს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის ბიზნესგანათლების პროგრამაში, მაისის თვეში,  500-ზე მეტი მეწარმე ჩაერთო

შიო III საქართველოში დიდი ბრიტანეთის ელჩს შეხვდა

ყველაფერი პოლიციის შესახებ: საპატრულოს დირექტორის მოადგილემ თანამდებობა დატოვა

უკრაინამ თათარსტანსა და სამარის რეგიონში მსხვილ ნავთობქიმიურ ქარხნებს შეუტია