პარლამენტის თავმჯდომარის მოადგილემ, ირმა ინაშვილმა კონსტიტუციაში შერეული საარჩევნო სისტემის დატოვება და საარჩევნო კოდექსის საკანონმდებლო ცვლილებები გააპროტესტა.

„პირდაპირ მინდა განვაცხადო, რომ ამ პროცესების უკან უშუალოდ დგას პრემიერ-მინისტრი, გიორგი კვირიკაშვილი. სწორედ მისი დირექტივით მიმდინარეობდა საკონსტიტუციო ცვლილებების მთელი პროცესი და სწორედ ის უჭერდა მხარს ე.წ. ბონუსის მოდელს, რასაც საპარლამენტო სივრცეში და საჯარო განხილვებისას აქტიურად ლობირებდნენ „ქართული ოცნების“ ლიდერები“, - განაცხადა ირმა ინაშვილმა დღეს გამართულ ბრიფინგზე.

პარლამენტის თავმჯდომარის მოადგილემ გიორგი კვირიკაშვილს თანამდებობის დატოვებისკენ, ხოლო ქვეყნის ყოფილ პრემიერ-მინისტრს, ბიძინა ივანიშვილს მიმდინარე პროცესებში ჩართვისკენ მოუწოდა.

ირმა ინაშვილმა კონსტიტუციური კანონპროექტის საპარლამენტო განხილვებთან დაკავშირებით, ფრაქცია „საქართველოს პატრიოტების“ ბოიკოტის რეჟიმზეც ისაუბრა და სამომავლო გეგმებიც დააანონსა.

„ორი მიმართულებით ვიწყებთ მუშაობას - ეს არის ევროსტრუქტურებთან კონსულტაციები და საპროტესტო აქციებისთვის მზადება. დღეს უკვე შევხვდი აშშ-ის ელჩს და საკონსტიტუციო ცვლილებებზე, კონსენსუსის არარსებობაზე და ქვეყანაში პოლიტიკურ კრიზისზე, ჯერ-ჯერობით პარლამენტის დონეზე, საუბარი გავმართე“, - აღნიშნა ირმა ინაშვილმა.

პარლამენტის თავმჯდომარის მოადგილემ „ქართული ოცნების“ დეპუტატებსაც საკონსტიტუციო ცვლილებების მხარდაჭერის თავშეკავებისკენ მოუწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა