ე.წ. ციანიდის საქმეში ბრალდებული დეკანოზის ძმის თორნიკე მამალაძის განცხადებით, მამა დავით ჭინჭარაული ცდილობდა, მათი საუბარი პატრიარქთან შეეწყვიტა.

როგორც თორნიკე მამალაძემ აღნიშნა, საუბარი უწმინდესთან იწერებოდა.

„მე კატეგორიულად ვეუბნებოდი რომ გაჩერებულიყო. მამა დავით ჭინჭარაული ხელსაც მადებდა და მეუბნებოდა, კარგად იქნებაო. საუბარი იწერებოდა“, - აღნიშნა მამალაძემ.

დეკანოზის ძმის ინფორმაციით, რამდენიმე სასულიერო პირი ცდილობდა, საუბარი პატრიარქისთვისაც შეეწყვეტინებინათ, თუმცა მამალაძის თქმით, პატრიარქმა ყველაფერი მოისმინა.

„უწმინდესმა ბოლომდე მოგვისმინა, მიუხედავად იმისა, რომ მამა დავით ჯინჭარაული ცდილობდა „ჩაეკვეხებინა“ კითხვები და გაეწყვიტა ჩემი საუბარი პატრიარქთან. ჩვენი საუბარი უწმინდესთან იწერებოდა. მათი თქმით, ეს იმისთვის ხდებოდა, რომ ტყუილი არ გვეთქვა. ჩვენ ტყუილის თქმა არ გვჭირდება. პატრიარქმა იგევე პოზიცია დააფიქსირა და თქვა, რომ მამა გიორგისგან ცუდი არაფერი მსმენიაო. მე იგივე პოზიცია მაქვს , რაც მანამდე - პატრიარქს ცრუ ინფორმაციას აწვდიან. საუბარში მიშლიდნენ - მამა დავით ჭინჭარაული, მეუფე თეოდორე, მეუფე იაკობი, მეუფე ანდრია, მამა კახაბერ გოგოტიშვილი“, - აღნიშნა მამალაძემ.

თორნიკე მამალაძის თქმით, პატრიარქმა აღნიშნა, რომ გიორგი მამალაძეზე ცუდი არაფერი გაუგია, მას ენდობა და მომხდარი საქართველოს დისკრედიტაციისკენაა მიმართული.

"მოვითხოვეთ მამა გიორგის ზიარება. პატრიარქს სურდა რაღაცის თქმა და ჭინჭარაულმა გააწყვეტინა. უწმინდესი ჩუმად იყო რომ გაიგო, რომ მამაო 4 თვე ითხოვდა ზიარებას. ცდილობდა მამა დავით ჭინჭარაული, რომ ეთქვა ამაზე - ხვალ, ზეგ ვაზიარებთო. პატრიარქმა ზუსტად თქვა - ეს ყველაფერი საქართველოს დისკრედიტაციაა, მამა გიორგის ვენდობი“, - აღნიშნა მამალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს