საქართველოს პარლამენტის თავმჯდომარის ირაკლი კობახიძის განცხადებით, სამწუხაროა, რომ პრეზიდენტი საზოგადოების წინაშე ღია ეთერში კონსტიტუციურ ცვლილებებზე მსჯელობას არ დათანხმდა.

"ჩვენ შევთავაზეთ პრეზიდენტს, რომ ერთად დავმსხდარიყავით ღია ეთერში და საზოგადოების წინაშე ერთად გვესაუბრა საკონსტიტუციო ცვლილებების არსის თაობაზე. კიდევ ერთხელ უნდა გამოვთქვათ ჩვენი მწუხარება, რომ პრეზიდენტმა ეს შეთავაზება არ მიიღო. ეს ცხადყოფს, რომ პრეზიდენტის პოზიციები ძალიან სუსტია და ჩვენი პოზიციები მყარია.პრეზიდენტმა თავიდანვე აირჩია ძალიან არასწორი გზა. კომისიასთან დაპირისპირების გზა, პარლამენტთან დაპირისპირების გზა, მას შემდეგ, რაც დადასტურდა ამ რეფორმის წარმატება, ბუნებრივია, პრეზიდენტი შევიდა ჩიხში და ამის შედეგია ის, რომ მან, სამწუხაროდ, უარი თქვა ჩვენს შეთავაზებაზე.კიდევ ერთხელ ვადასტურებთ ჩვენს მზადყოფნას, ამ ფორმატში მივიღოთ მონაწილეობა",-აღნიშნა კობახიძემ.

შეგახსენებთ, პარლამენტის თავმჯდომარემ გუშინ პრეზიდენტს საკონსტიტუციო ცვლილებების სატელევიზიო განხილვა შესთავაზე. კობახიძის შეთავაზებას მოგვიანებით პრეზიდენტის ადმინისტრაციის უფროსი გიორგი აბაშიშვილი გამოეხმაურა. როგორც მან აღნიშნა პრეზიდენტი მიესალმება საქართველოს პარლამენტის თავმჯდომარის განცხადებას საკონსტიტუციო ცვლილებების პროექტზე ერთობლივ მსჯელობასთან დაკავშირებით და აღნიშნული პროცესის პრეზიდენტის სასახლეში გამართვის ინიციატივით გამოდის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს