სოფლის მეურნეობის მინისტრის მოადგილეები იური ნოზაძე და რევაზ ასათიანი წიგნის „ვაშლის წარმოების სანიმუშო სასოფლო-სამეურნეო პრაქტიკა“  პრეზენტაციას დაესწრნენ.

აღნიშნული გამოცემა სოფლის მეურნეობის სამინისტროს ტექნიკური დახმარების პროექტის ფარგლებში, გაეროს სურსათისა და სოფლის მეურნეობის ორგანიზაციამ (FAO) ავსტრიის განვითარების კოოპერაციის (ADC) ფინანსური მხარდაჭერით მოამზადა.

გამოცემა, რომელიც გაეროს სურსათისა და სოფლის მეურნეობის ორგანიზაციის (FAO) ექსპერტებმა საზოგადოებას წარუდგინეს, ევროპულ გამოცდილებაზე დაყრდნობით და ქართული რეალობის გათვალისწინებით, ვაშლის წარმოების ყველა ეტაპზე საჭირო რჩევებსა და რეკომენდაციებს მოიცავს.

გამოცემის გარდა, მომზადდა სასწავლო ვიდეო, სადაც FAO-ს სანიმუშო სასოფლო-სამეურნეო პრაქტიკის ექსპერტი ვაშლის ინტენსიური ბაღის სანიმუშო გასხვლის დემონსტრირებას ახდენს.

აღსანიშნავია, რომ ვაშლის შესახებ მომზადებული წიგნი და ვიდეო პირველია სანიმუშო სასოფლო-სამეურნეო პრაქტიკის სერიიდან. უახლოეს მომავალში გამოქვეყნდება გამოცემები და სასწავლო ვიდეოები ხურმის, ატმის, თხილისა და მანდარინის წარმოების სანიმუშო პრაქტიკის შესახებ.

წიგნის პრეზენტაციას სოფლის მეურნეობის, საქართველოს გარემოსა და   ბუნებრივი      რესურსების დაცვის სამინისტროს, ფერმერთა ასოციაციის (GFA), სურსათის ეროვნული სააგენტოს, სოფლის მეურნეობის სამეცნიერო-კვლევითი ცენტრის, გაეროს სურსათისა და სოფლის მეურნეობის ორგანიზაციისა (FAO) და არასამთავრობო სექტორის წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს