საქართველოს ახალგაზრდა იურისტთა ასოციაციაში თვლიან, რომ სასოფლო-სამეურნეო მიწის გასხვისების კონსტიტუციით შეზღუდვა ინვესტიციებს შემცირებას გამოიწვევს. 

მესამე სექტორის იურისტის გიორგი გოცირიძის თქმით, ეს ჩანაწერი დისკრიმინაციულია და ინვესტორებს პრობლემებს შეუქმნის. 

"ეს არ არის უცხოელებისთვის დაწესებული რეგულირება, ეს იქნება ბლანკეტური აკრძალვა და ჩემთვის გაუგებარია, როგორ შეიძლება ვისაუბროთ რაიმე სახის ბიზნეს ინვესტიციების მოზიდვაზე, როდესაც პირობის დაკმაყოფილების შემთხვევაში უცხოელი მაინც ვერ გახდება მიწის მესაკუთრე. ეს არის უკან გადადგმული ნაბიჯი, არა მარტო იმ თვალსაზრისით, რომ ხდება უცხოელების დისკრიმინაცია საკუთრების უფლებასთან მიმართებაში და თავად კონსტიტუციით აღიარებული თანასწორობის პრინციპთან მოდის ამგვარი ბლანკეტური მიდგომა წინააღმდეგობაში, ეს ასევე საფრთხეს შეუქმნის ინვესტიციების მოზიდვას პირველ რიგში სასოფლო სამეურნეო სექტორში", - განაცხადა გიორგი გოცირიძემ.

შეგახსენებთ, რომ საქართველოს პარლამენტის თავმჯდომარის ირაკლი კობახიძის განცხადებით, კონსტიტუციაში ახალი ჩანაწერი გახდება მტკიცე გარანტია, რომ ქართული მიწები საქართველოს სახელმწიფოს დარჩეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააპელაციომ თორნიკე თოშხუასა და მინდია შერვაშიძეს სასჯელი შეუმცირა

გიგა ავალიანის მკვლელობის საქმეზე შს მინისტრის ყოფილი მოადგილის, მერაბ მალანიას შვილი დააკავეს

IPI მოუწოდებს საქართველოს პროკურატურას, შეწყვიტოს ფორმულას წინააღმდეგ მიმდინარე გამოძიება

ანტვერპენში ხანძრის შედეგად სულ მცირე 5 ადამიანი გარდაიცვალა