მარგველაშვილი: სლოვაკეთთან სტრატეგიული თანამშრომლობის საკითხები გვაერთიანებს

2017-05-15 20:03:49, 1814 ნახვა

პოლიტიკა

გიორგი მარგველაშვილმა სლოვაკეთის რესპუბლიკაში ოფიციალური ვიზიტის ფარგლებში დღეს გამართული შეხვედრები შეაჯამა და აღნიშნა, რომ სლოვაკ კოლეგებთან ევროპასა და ნატო-ში ინტეგრაციის საკითხები განიხილა.

„ჩვენ ჩამოვედით მეგობარ ქვეყანაში, რომელთანაც გვაერთიანებს ბევრი სტრატეგიული თანამშრომლობის საკითხი. პირველ რიგში, ჩვენ ვაღრმავებთ ჩვენს ორმხრივ თანაშრომლობას, რომელსაც ძალიან ბევრი ასპექტი გააჩნია. ასევე, ჩვენ იმ მომავალი, სტრატეგიული, მნიშვნელოვანი მიმართულებების კოორდინირებას ვახდენთ, როგორიცაა ნატო-ს და აღმოსავლეთ პარტნიორობის მომავალი სამიტები'', - აღნიშნა საქართველოს პრეზიდენტმა.

გიორგი მარგველაშვილის ოფიციალური ვიზიტი ბრატისლავაში 17 მაისს დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან