შრომის, ჯანმრთელობის და სოციალური დაცვის მინისტრმა დავით სერგეენკომ, ამსტერდამში გამართულ ღვიძლის საერთაშორისო კონგრესზე, სადაც პირველად, სპეციალურად საქართველოსადმი მიძღვნილი სესია გაიმართა, С ჰეპატიტის, როგორც ერთ–ერთი ყველაზე წარმატებული პროექტის მიმდინარეობასა და გამოწვევებზე ისაუბრა.

ჯანდაცვის სამინისტროს ინფორმაციით, კონგრესი ღვიძლის დაავადებებისა და დიაგნოსტიკის სფეროში უმნიშვნელოვანესი ღონისძიებაა, რომელსაც მთელი მსოფლიოს მასშტაბით, ამ დარგის სპეციალისტები  ესწრებიან.

სესიაზე განხილეს საქართველოს პროგრესი C ჰეპატიტთან ბრძოლის მიმართულებით, როგორც პირველი ქვეყნის, რომელიც რამდენიმე წელიწადში C ჰეპატიტის სრულ ელიმინაციას მოახდენს.

მომხსენებლთა შორის იყვნენ ასევე დაავადებათა კონტროლისა და პრევენციის ეროვნული ცენტრის გენერალური დირექტორი ამირან გამყრელიძე, ინფექციური პათოლოგიის შიდსისა და კლინიკური იმუნოლოგიის ცენტრის გენერალური დირექტორი თენგიზ ცერცვაძე და კლინიკა ნეოლაბის ექიმი-ინფექციონისტი მაია ბუწაშვილი,  რომელებმაც   პროგრამის მნიშვნელობაზე,  გამოჯანრთელების მაჩვენებელსა (რომლებიც ჰარვონით ნამკურნალებ პაციენტებში საშუალოდ 98% ზე მეტია )და ნარკოტიკული საშუალებების ინექციური გზით მომხმარებლებში    HCV პრევენციაზე ზრუნვისა და მკურნალობის მნიშვნელობაზე ისაუბრეს.

პროგრამის შედეგები და მიღწევები დადებითად შეაფასეს უცხოელმა ექსპერტებმაც. ლაბორატორიული დიაგნოსტიკის სერვისების ხარისხისა და  მნიშვნელობაზე გაამახვილა ყურადღება აშშ–ს დავაადებათა კონტროლის ცენტრის ექსპერტმა იან დრობენიუკმა .

სესია დახურა აშშ დაავადებათა კონტროლის ექსპერტმა ფრანცისკო ავერჰოფმა რომელმაც შეაჯამა C ჰეპატიტის ელიმინაციის პროგრამის პროგრესი.

ღვიძლის საერთაშორისო კონგრესი( 19–23 აპრილი) ქალაქ ამსეტრდამში იმართება და   ღვიძლის შემსწავლელი ევროპული  ასოციაციის (EASL) მიერ არის ორგანიზებული.

ვიზიტის ფარგლებში ასევე გაიმართა შეხვედრა ფარმაცევტული კომპანია „გილეადისა“  და აშშ–ს  დაავადებათა კონტროლის ცენტრის (CDC) წარმომადგენლებთან.  შეხვედრას ესწრებოდნენ კომპანიის ვიცე პრეზიდენტი გრეგ ალტონი და გრემ რობერტსონი, რომლებმაც დადებითად შეაფასეს პროგრამის მიმდინარეობა და სამომავლო გეგმებსა და თანამშრომლობაზეც ისაუბრეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს