საჩხერის სამედიცინო ცენტრში უპრეცედენტო აქციები გრძელდება. 22 აპრილს ცენტრის ექიმები უფასო გამოკვლევებს ჩაატარებენ.

საჩხერის სამედიცინო ცენტრში დაგეგმილი უფასო აქციის ფარგლებში, ექიმები სისხლძარღვოვანი პათოლოგიების გამოვლენის და შემდგომში მკურნალობის მიზნით ჩაატარებენ გამოკვლევებს.

უფასო აქციაში მონაწილეობის მიღება შეუძლიათ ადამიანებს, რომლებსაც აწუხებთ თავბრუსხვევა, თავისტკივილი, არტერიული წნევის მაღალი ციფრები.

ასევე, გამოკვლევები ჩაუტარდებათ იმ პაციენტებს, რომლებიც არიან თამბაქოს მომხმარებლები. მათ გამოკვლევა თავის ტვინის სისხლძარღვოვანი პათოლოგიების გამოვლენის მიზნით,თავისტვინის (ინტრაკრანიალური) სისხლძარღვების დოპლეროსკანირება ჩაუტარდებათ.

ამასთან, საჩხერის სამედიცინო ცენტრში გამოკვლევები ჩაუტარდებათ ადამიანებს, რომლებსაც აწუხებთ ქვემო კიდურების ტკივილი, დაღლილობა, სიმძიმის  და ჩხვლეტის შეგრძნება, ხანგამოშვებითი კოჭლობა, კიდურების გაციება, ქვემო კიდურების შეშუპება, კუნთების ატროფია (განლევა). აღნიშნული სიმპტომების რისკფაქტორებია- შაქრიანი დიაბეტი, მაღალი არტერიული წნევა, ქოლესტერინის მაღალი დონე, ცხოვრების არაჯანსაღი წესი. პერიფერიული სისხლძარღვების დაავადებების გამოვლენის მიზნით ჩატარდება ქვემო კიდურების სისხლძარღვების დოპლერო სკანირება ბოლო თაობის ულტრაბგერით აპარატზე PHILIPS Affinity 70.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს