უმრავლესობის ლიდერის არჩილ თალაკვაძის განცხადებით, სახელმწიფო საკონსტიტუციო კომისიამ მუშაობა დაასრულა, შესაბამისად, ბოიკოტი ვეღარ იქნება.

როგორც თალაკვაძემ ჟურნალისტებს განუცხადა, ათწლეულების განმავლობაში ნაწილ-ნაწილ, კკონსტიტუცია იყო, რომლის ნაწილები იმის მიხედვით იცვლებოდა, ვის რა ინტერესები ჰქონდა სახელმწიფო მართვის თვალსაზრისით.

„ეს დამოკიდებულება თანმიმდევრულ, გრძელვადიან და სტაბილურ განვითარებაზე გათვლილი კონსტიტუციით იცვლება. ფაქტია, რომ კომისიის საქმიანობაში უპრეცედენტო ჩართულობა იყო და ამ პროცესში უმრავლესობასთან ერთად ოპოზიციაც მონაწილეობდა. გარკვეული ოპოზიციური პარტიის წარმომადგენლების განცხადებები მოვისმინე, რომ ამ კონსტიტუციაზე პასუხისმგებლობას ვერ ავიღებთო. არ არის პრობლემა, პასუხისმგებლობას იმაზე ჩვენ ავიღებთ, რასაც გავაკეთებთ“, - აღნიშნა დეპუტატმა.

მმართველი გუნდის წევრის განმარტებით, 22 აპრილს შემაჯამებელი სხდომა შედგება, რის შემდეგაც სახალხო განხილვების ეტაპი დაიწყება, სადაც ხალხის აზრი და მათი პოზიციები გაზიარებული იქნება. პარლამენტში  დოკუმენტი ყველა პროცედურის დაცვით განიხილება.

ცნობისთვის, სახელმწიფო საკონსტიტუციო კომისიამ მუშაობა დაასრულა. კომისიის სამუშაო ჯგუფების მიერ მომზადებულ პროექტს 22 აპრილს უყრიან კენჭს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს