ჩვენ დღეს ვემშვიდობებით ადამიანს, რომელიც უყვარდა და უყვარს მთელ საქართველოს, - ამის შესახებ საქართველოს პრეზიდენტმა გიორგი მარგველაშვილმა სახალხო არტისტის, გივი ბერიკაშვილის სამოქალაქო პანაშვიდზე დასწრების შემდეგ განაცხადა.

ქვეყნის პრეზიდენტმა გივი ბერიკაშვილის ოჯახის წევრებსა და საზოგადოებას მიუსამძიმრა.

“გივი ბერიკაშვილი გვაჩვენებდა იმ კარგს, რაც ჩვენში არის. დღეს, ყველა ჩვენგანში ძალიან დიდი სიყვარული და სინანულია. მინდა ვთქვა, რომ ის იყო კაცი, რომელიც, გარდა იმისა, რომ იყო არაჩვეულებრივი მსახიობი, იყო ძალიან სწორი მოქალაქე. ყოველთვის იდგა საზოგადოების გვერდით და ამას უანგაროდ აკეთებდა, უაღრესად მშვიდად, თავის ერის სიყვარულით. მინდა დიდი სიყვარული და პატივისცემა დავუდასტურო ბატონ გივის და მის ოჯახს”, - განაცხადა გიორგი მარგველაშვილმა.

ცნობისთვის, მარჯანიშვილის თეატრში მსახიობის და სახალხო არტისტის გივი ბერიკაშვილის პანაშვიდი მიმდინარეობს. ადგილზე შეკრებილია ათობით ადამიანი, მათ შორის ცნობილი მსახიობები. ისინი სახალხო არტისტს პატივს მიაგებენ.

პანაშვიდზე საქართველოს პრემიერ-მინისტრს, გიორგი კვირიკაშვილსა და მთავრობის წევრებსაც ელოდებიან.

აღსანიშნავია, რომ თეატრის მიმდებარე ტერიტორია ორმხრივად არის გადაკეტილი.

შეგახსენებთ, რომ სახალხო არტისტი გივი ბერიკაშვილი 83 წლისა ასაკში, 10 აპრილს, ფილტვების ანთების დიაგნოზით გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს