„საქართველოს კონსტიტუციის პროექტში გვაქვს ფუნდამენტური ცვლილება, რომელიც ეხება საპარლამენტო არჩევნების შერეული სისტემიდან პროპორციულ სისტემაზე გადასვლას“,-ამის შესახებ პარლამენტის თავმჯდომარემ ირაკლი კობახიძემ საკონსტიტუციო კომისიის სხდომაზე განაცხადა.

 კობახიძის განცხადებით, შემოთავაზებული ვარიანტი  საუკეთესო ბალანსია ორ ძირითად ინტერესს შორის, ეს არის - პლურალიზმისა და სტაბილურობის ინტერესი.

 „გვახსოვს, რომ წარსულში გარკვეული რისკები უკავშირდებოდა ერთი პარტიის ხელში საკონსტიტუციო უმრავლესობის არსებობას. ეს არის ფუნდამენტური ცვლილება, რომელიც გვაქვს პროექტში“,-აღნიშნა კობახიძემ და დასძინა, რომ უამრავი სხვა ცვლილებაც არის, რომელიც პარლამენტის თავს უკავშირდება.

„ახალი რედაქციით ჯეროვნად არის მოწესრიგებული პარლამენტსა და მთავრობას შორის ურთიერთობები. ეს იყო ერთ-ერთი უმთავრესი სუსტი მხარე არსებული კონსტიტუციის და ეს საკითხები ახალ რედაქციაში სათანადოდ არის მოწესრიგებული“,-განაცხადა პარლამენტის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს