2017-04-08 20:01:00, 1929 ნახვა
პოლიტიკა
გომელაური: ოპერატიულ-ტექნიკური სამსახურის უფროსის თანამდებობაზე ალეკო ტაბატაძის კანდიდატურა არ მოიაზრება
ოპერატიულ-ტექნიკური სამსახურის უფროსის თანამდებობაზე ალეკო ტაბატაძის კანდიდატურა არ მოიაზრება, - ამის შესახებ სახელმწიფო უსაფრთხოების სამსახურის ხელმძღვანელმა ვახტანგ გომელაურმა განაცხადა.
მისი თქმით, მონახაზში არის რამდენიმე ადამიანი, თუმცა ის ვერ დაასახელებს სახელებს და გვარებს.
"ჯერ გადაწყვეტილი არ არის ვინ იქნება. კანონმდებლობით უნდა შევარჩიოთ სამი კანდიდატურა, შემდეგ კომისიამ უნდა შეარჩიოს ერთი პირი, რომელიც უნდა წარვუდგინოთ პრემიერს და პრემიერ-მინისტრმა უნდა დაამტკიცოს. გადაწყვეტილება ჯერ არ გვაქვს მიღებული. ალეკო ტაბატაძე ამ თანამდებობაზე არ მოიაზრება. მონახაზში არის რამდენიმე ადამიანი, თუმცა ვერ დავასახელებ სახელებს და გვარებს”, - განაცხადა ვახტანგ გომელაურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
