დედაქალაქის მასშტაბით 10 ყველაზე დატვირთულ ადგილას მრავალსართულიანი პარკინგები აშენდება.

თბილისის მერმა  და კომპანია „პი-ვი-ეს“-მა პარკინგების აშენების გეგმა ბიზნესის წარმომადგენლებს გააცნეს.

როგორც დავით ნარმანიამ აღნიშნა, შერჩეული 10 ადგილიდან 9 მიწისქვეშა პარკინგია, ხოლო ერთი მერიასთან მიწისზედა. მისივე განმარტებით, ლოკაციები ისეთ ადგილებზე შეირჩა, სადაც რეკრეაციული ზონა არ არის და თბილისის იერსახე არ დაზიანდება.

"გაკეთდა ძალიან მნიშვნელოვანი კვლევა, რომლის საფუძველზეც ქალაქში გამოცხადდება უახლოეს მომავალში მრავალსართულიანი პარკინგების მშენებლობაზე ინტერესთა გამოხატვა. შესაბამისად, ჩვენ მოვიწვევთ დაინტერესებულ კერძო კომპანიებს, რომელთაც აქვთ სურვილი და შესაძლებლობა ააშენონ ქალაქში, 10 ყველაზე დატვირთულ ადგილას, მრავალსართულიანი პარკინგები და შესაბამისად ხელი შეუწყონ იმას, რომ ქალაქი საცობებისგან განიტვირთოს", - დასძინა დავით ნარმანიამ.

პარკირების მშენებლობის ადგილები უკვე ცნობილია, ესენია: რკინიგზის სადგურის მიმდებარე ტერიტორია, მეტროსადგური მარჯანიშვილი, ფილარმონია, პუშკინის მოედნის მიმდებარე ტერიტორიები, მეტროსადგური ისანი, დინამო სტადიონი, ქალაქ თბილისის მერია, გულუას მოედანი, მეტროსადგური ვარკეთილი და გეგეშიძის ბაღთან მდებარე ტერიტორია.

მერის თქმით, ინტერესთა გამოხატვისთვის, დოკუმენტი 2-3 კვირაში მომზადდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა