ვაკის რაიონის გამგეობა  ბინათმესაკუთრეთა ამხანაგობებთან თანამშრომლობას და სხვადასხვა პროექტების დაფინანსებას განაგრძობს.

თბილისის მერიის ინფორმაციით, ამ დროისთვის წყნეთში, მაია წყნეთელის #21-ში მდებარე ორსართულიანი, მრავალბინიანი სახლის გამაგრების სამუშაოები მიმდინარეობს.

მათივე ინფორმაციით, რეაბილიტაციის ფარგლებში, სახლის საძირკვლის, კედლების და დაზიანებული კარ-ფანჯრების  გამაგრება მოხდება. პროექტის ღირებულება 32 622 ლარია.  სამუშაოები აპრილის ბოლომდე დასრულდება.

თანადაფინანსებული პროექტები - ოთხსართულიანი ან ხუთსართულიანი შენობების ან/და მისი შემადგენელი ელემენტების გამაგრების შემთხვევაში, როდესაც სამუშაოების ღირებულება არ აღემატება 100 000 (ასი ათასი) ლარს შემდეგი პროცენტული მაჩვენებლებით ფინანსდება: გამგეობა - 90%, ამხანაგობა - 10%

ნებისმიერი პროექტის დაფინანსების მისაღებად ამხანაგობის თავმჯდომარემ თვის 1-დან 10 რიცხვის ჩათვლით განცხადება გამგეობაში უნდა შემოიტანოს.

განაცხადთან ერთად თავმჯდომარემ  უნდა წარადგინოს შემდეგი დოკუმენტაცია:   ამხანაგობის წევრთა 2/3-ის ხელმოწერები, ამხანაგობის მიერ შერჩეული მეწარმე სუბიექტის მიერ შედგენილი ხარჯთაღრიცხვა,   დეფექტური აქტი, დისკი (სადაც ჩაწერილია ხარჯთაღრიცხვა და დეფექტური აქტი) მეწარმე სუბიექტის ბრუნვა, არანაკლებ 20 ათასი ლარისა, ცნობა შემოსავლების სამსახურიდან (თუ დღგ-ს გადამხდელია) ამხანაგობის აღრიცხვის ფურცლის ქსეროასლი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა