შევედეთის სამეფოში საქართველოს საელჩოში საქართველოსა და შვედეთს შორის დიპლომატიური ურთიერთობების აღდგენის 25 წლისთავთან დაკავშირებით დაგეგმილი ღონისძიებების ფარგლებში , „შვედეთის ატლანტიკური საბჭოს" წარმომადგენლებთან შეხვედრა გაიმართა.

საგარეო უწყების ინფორმაციით, ღონისძიებას ესწრებოდნენ  „შვედეთის ატლანტიკური საბჭოს"  თავმჯდომარე იორან ლენმარკერი და ორგანიზაციის ოცამდე წარმომადგენელი, ასევე შვედეთის პარლამენტის წევრები,  ექსპერტები და ჟურნალისტები.

ღონისძიებაზე  მიწვეულ სტუმრებს მისასალმებელი სიტყვით მიმართა შვედეთის სამეფოში საქართველოს  საგანგებო და   სრულუფლებიანმა ელჩმა მალხაზ კაკაბაძემ. ელჩმა ისაუბრა საქართველოს საგარო პოლიტიკის პრიორიტეტებზე, ევროპულ და ევროატლანტიკურ მისწრაფებებზე, ოკუპირებულ ტერიტორიებზე შექმნილ ვითარებაზე და არსებული კონფლიქტების მშვიდობიანად გადაჭრის გზებზე.

განსაკუთრებული ყურადღება დაუთმო საქართველო-შვედეთის ორმხრივ ურთიერთობებს, აღინიშნა შვედეთის, როგორც „აღმოსავლეთ პარტნიორობის" ინიციატორი ქვეყნის განსაკუთრებული წვლილი საქართველოს ევროინტეგრაციის პროცესში და სტოკჰოლმის მხარდაჭერა ამ მიმართულებით, როგორც საქართველოს ელჩმა აღნიშნა ვროკავშირთან უვიზო მიმოსვლა გახლავთ სწორედ შვედეთისა და პოლონეთის მიერ ინიცირებული 'აღმოსავლეთ პარტნიოპრობის' ფორმატის უმნიშვნელოვანესი წარმატება.  ელჩმა ასევე ისაუბრა განვლილი 25 წლის განმალობაში თანამშრომლობის ისეთი მნიშვნელოვანი მიმართულებებზე, როგოირცაა დემოკრატიული ინსტიტუტების გაძლიერება, სამოქალაქო სექტორის მშენებლობა, ადამიანის უფლებების დაცვა, სამართლებრივი სისტემის სრულყოფა, აგრეთვე ეკონომიკური და სოციალური პროექტები. ღონისძიების ფარგლებში გაიმართულ  მიღებაზე წარმოდგენილი იყო ქართული ტრადიციული სამზარეულო და ქართული ღვინო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა