პარლამენტის იურიდიული კომიტეტის სხდომაზე "საგზაო მოძრაობის შესახებ" კანონში ცვლილებებს მეორე მოსმენით განხილვა მიმდინარეობს.

კერძოდ, დღეს მართვის მოწმობაზე 100 ქულიანი სისტემის შემოღების საკითხზე მსჯელობენ. ცვლილებების თანახმად, თითოეული ადმინისტრაციული სამართალდარღვევა მართვის მოწმობაზე მინიჭებული 100 ქულიდან დარღვევისთვის გათვალისწინებული ქულის გამოკლებას გამოიწვევს.  

როგორც კომიტეტის თავმჯდომარემ ეკა ბესელიამ განაცხადა, 100-ვე ქულის ამოწურვის შემდეგ მძღოლებს გამოცდის ხელახლა გავლა მოუწევთ.

"ცვლილებების მიხედვით, ყველა დარღვევა ითვალისწინებს ქულების ჩამოკლებას, კანონი განსაკუთრების მკაცრი იქნება ნასვამ და ნარკოტიკული თრობის შემთხვევაში. ქულების დაკლება არ შეეხება სადგომზე არასწორ პარკირებას და ასევე შეიცვლება მართვის მოწმოის აღების არსებული ფორმა", - აღნიშნა ბესელიამ. 

ცნობისთვის, "საგზაო მოძრაობის შესახებ" კანონის ალტერნატიული ვარიანტი აქვს "ევროპულ საქართველოს". ფრაქციის წევრის ირაკლი აბესაძის თქმით, გარკვეულ ნაწილში კანონში ცვლილებებს ეთანხმებიან, თუმცა არის განსხვავებაც.

"მართვის მოწმობის ჩამორთმევის შემთხვევაში გამოცდის ხელახლა ჩაბარება და აღდგენა ყველასთვის თანაბარი პირობებით არ უნდა მოხდეს", - განმარტა ირაკლი აბესაძემ.

"საგზაო მოძრაობის შესახებ“ საქართველოს კანონში შესატანი ცვლილები შინაგან საქმეთა სამინისტრომ მოამზადა. კანონპროექტი ავტოსაგზაო შემთხვევების შემცირებასა და საგზაო უსაფრთხოების ამაღლებას ემსახურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო