„ვერ გეტყვით, რა საიდუმლო დაჯგუფებაზე საუბრობს გია უდესიანი“, - ასე გამოეხმაურა თავდაცვის მინისტრი მინდია ჯანელიძე ბიზნესმენ გია უდესიანის განცხადებას თავდაცვის სამინისტროს ბაზაზე შექმნილ საიდუმლო დაჯგუფებასთან დაკავშირებით.

„თქვენ თვითონ აღნიშნეთ საიდუმლო დაჯგუფებაო. თუ ის საიდუმლოა, ბუნებრივია ვერ გაგცემთ ამაზე პასუხს, მაგრამ თავდაცვის სამინისტროს ზუსტი შეკითხვის ფორმულირებას თუ გადაუგზავნით, დადგენილი წესით და რიგით გეცოდინებათ პასუხი. მე ვერ გეტყვით რა დაჯგუფებაზე საუბრობს“, - განაცხადა მინდია ჯანელიძემ.

ჟურნალისტის განმეორებით კითხვაზე, არსებობდა თუ არა რაიმე ტიპის დაჯგუფება თავდაცვის სამინისტროში, ჯანელიძემ ასე უპასუხა: „კიდევ ერთხელ გეუბნებით, თუ კითხვები გაგაჩნიათ მოგვმართეთ კანონით დადგენილი წესით და გაგცემთ პასუხს“.

შეგახსენებთ, ბიზნესმენმა გია უდესიანმა „რუსთავი 2“-ს ეთერში განაცხადა, რომ თავდაცვის სამინისტროს ბაზაზე შექმნილი იყო საიდუმლო დაჯგუფება, რომელსაც ის ხელმძღვანელობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს