„მოგების გადასახადის რეფორმა, რომელიც საქართველოში ამოქმედდა, კარგი ნაბიჯია უცხოელი ინვესტორების მოსაზიდად“, - განაცხადა ესტონეთის ელჩმა საქართველოში კაი კაარელსონმა გადაცემაში "საქმის კურსი.“

საგადასახადო რეფორმის ესტონური მოდელის გამოცდილებაზე საუბრისას, ელჩმა აღნიშნა, რომ რეფორმამ დადებითად იმოქმედა ქვეყნის ეკონომიკაზე. მისი თქმით, ესტონეთმა აღნიშნული რეფორმა 1999 წელს, მსოფლიოში რეცესიის პერიოდში გაატარა.

„რეფორმის შემდეგ, ქვეყნის ეკონომიკამ სწრაფი ზრდა დაიწყო. რა თქმა უნდა, თავდაპირველად, შემცირდა საბიუჯეტო შემოსავლები, თუმცა ორ წელიწადში საბიუჯეტო შემოსავლების მოცულობა გაიზარდა,“ - აღნიშნა ესტონეთის ელჩმა.

როგორც მან განაცხადა, პირველ ეტაპზე, შემოსავლების დანაკლისის დაკომპენსირება სხვა გადასახადების ზრდით გამართლებული რისკია, რადგან 2-3 წლის შემდეგ, საბიუჯეტო შემოსავლების ზრდა იწყება, ინვესტიციების მოცულობა იზრდება და მეტი თანხა რჩება ქვეყანაში.

„ესაა საკმაოდ ლოგიკური ნაბიჯი ესტონური მოდელის დანერგვისას,“ - განაცხადა ესტონეთის ელჩმა საქართველოში კაი კაარელსონმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება