სუს-სა და საპატრულო პოლიციას შორის დაპირისპირების შესახებ „ნაციონალური მოძრაობის“ მიერ გავრცელებულ ინფორმაციას, სახელმწიფო უსაფრთხოების სამსახურში არ ადასტურებენ.

„აბსურდული განცხადებებია“,-აღნიშნა სუს-ის პრესსამსახურის წარმომადგენელმა  „ექსპრესნიუსთან“  საუბარში.

შეგახსენებთ, აჭარის ავტონომიური რესპუბლიკის უმაღლესი საბჭოს ფრაქცია „ერთიანი ნაციონალური მოძრაობის“ თავმჯდომარე ელგუჯა ბაგრატიონი სუს-სა და საპატრულო პოლიციას შორის დაპირისპირების შესახებ საუბრობს. მისი თქმით, დაპირისპირება ერთი თვის წინ, მას შემდეგ დაიწყო, რაც პოლიციამ სუს-ის თანამშრომელი დააკავა. ელგუჯა ბაგრატიონის მტკიცებით, სუს-ი ყველაფერს აკეთებდა, რათა ხალხი პოლიციას დაპირისპირებოდა: „დაპირისპირება დაწყებულია ერთი თვეა, რაც საპატრულო პოლიციის მიერ იქნა დაკავებული სუს-ის თანამშრომელი, ხელბორკილები დაადეს და გადაიყვანეს პოლიციის სამმართველოში, ეს სუს-ის თანამშრომელია ყიფიანი, თავის ძმებთან ერთად დააკვეს. ამის შემდეგ დაიწყო დაპირისპირება სუს-სსა და საპატრულო პოლიციას შორის. სწორედ ერთი თვის განმავლობაში მიზანმიმართულად მიმდინარეობდა საპატრულო პოლიციის დისკრედიტაცია, სუს-ი აკეთებდა ყველაფერს იმისათვის, რომ დაპირისპირებოდა ხალხი საპატრულო პოლიციას. სწორედ მშვიდობიანი აქციის გაგრძელება ვანდალიზმით, რომელიცი12 საათის შემდეგ განვითარდა, იყო სუს-ის მიერ ინსცენირებული“,-აღნიშნა ელგუჯა ბაგრატიონმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს