2017-03-08 15:31:01, 2280 ნახვა

---

პროკურატურა: დეკანოზი გიორგი მამალაძე ცდილობდა Google-ში პატრიარქის არჩევის წესის შესახებ ინფორმაცია მოეპოვებინა

მთავარი პროკურატურის ინფორმაციით, დაკავებული დეკანოზი გიორგი მამალაძე პატრიარქის არჩევის წესის შესახებ ინტერნეტით ინფორმაციის მოძიებას ცდილობდა.

უწყების მიერ გამოქვეყნებული მტკიცებულებებით ირკვევა, რომ  4 თებერვალს ბრალდებული დეკანოზი საძიებო სისტემა Google-ში წერს სიტყვებს "პატრიარქის არჩევის წესი" და ვებგვერდზე Orthodoxy.ge საქართველოს ავტოკეფალური მართლმადიდებელი ეკლესიის მართვა-გამგეობის დებულებას ეცნობა.

5 თებერვალს ბრალდებული გიორგი მამალაძე ვებ-გვერდზე orthodoxy.ge პატრიარქის არჩევის წესის შესახებ ინფორმაციას კვლავ ეცნობა. 

გარდა ამისა, ბრალდებულის კუთვნილ “SAMSUNG”-ის ფირმის მობილურ ტელეფონზე ჩატარებული კომპიუტერული ექსპერტიზის დასკვნით, დადგინდა  რომ გიორგი მამალაძე, მკვლელობის მიზნით კალიუმის ციანიდის შესახებ ინფორმაციის მოძიებას ცდილობდა ინტერნეტ საძიებო სისტემა GooGle-ის მეშვეობით. იგი ასევე ინტერესდებოდა აღნიშნული ნივთიერების ზემოქმედებით ადამიანის ორგანიზმზე და მოწამვლის სიმპტომებით. 

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი