სასამართლომ მიიღო ის გადაწყვეტილება, რაც მიიღო, - ასე ეხმაურება პარლამენტის თავმჯდომარე ირაკლი კობახიზე უზენაესი სასამართლოს გადაწყვეტილებას რუსთავი 2-ის საქმეზე.

როგორც კობახიძემ განაცხადა, მედიაპლურალიზმი "ქართული ოცნების" ერთ-ერთი უმთავრესი მიღწევაა.

"ჩვენ გვახსოვს, რა მდგომარეობა იყო 2012 წლამდე, იყო სამი ნაციონალური ტელეარხი, რომელიც მთლიანად კონტროლდებოდა მაშინდელი მმართველი პარტიის "ნაციონალური მოძრაობის" მიერ და ეს ვითარება რადიკლაურად არის შეცვლილი 2012 წლის შემდეგ, ანუ მედიაპლურალიზმი არის ის მიღწევა, რომელიც ჩვენს გუნდს მიეწერა პირველ რიგში. აქედან გამომდინარე ჩვენ ამ მიღწევას ვუფრთხილდებით გასაკუთღებულად, შესაბამისად, ჩვენთვის ძალიან მნიშვნელოვანია ის, რომ საქართველოში როგორც არ უნდა განვითარდეს პროცესები საქართველოში მედიპლურალიზმი იყოს უზრუნველყოფილი და თითოეული ჟურნალისტის და მედიასაშუალების ინტერესები იყოს დაცული. ჩვენ ჩვენი უფლებამოსილების ფარგლებში ამისათვის გავაკეთებთ ყველაფერს. 

სასამართლომ მიიღო ის გადაწყვეტილება, რაც მიიღო, ჩვენ დავაკვირდებით პროცესების განვითარებას. მთავარია შემდეგი: ვინც არ უნდა იყოს მესაკუთრე, როგორც არ უნდა იყოს გადანაწილებული საკუთრებითი უფლებები მედიის სფეროში, იყოს დაცული მედიაპლურალიზმი, ეს არის ძალიან მნიშვნელოვანი, მათ შორის ძალიან მნიშვნელოვანია, ხაზგასმით ვიტყვი, რომ უზრუნველყოფილი იყოს მედიაში ოპონირება, უშუალოდ ხელისუფლების ოპონირება, ეს არის განსაკუთრებით მნიშვნელოვანი, ჩვენ უნდა დავიცვათ ჟურნალისტების უფლებები", - აღნიშნა მან.

შეგახსენებთ, "რუსთავი 2"-ის საქმეზე უზენაესმა გადაწყვეტილება გამოიტანა. გადაწყვეტილების თანახმად, ტელეკომპანიის 60%-ის წილის მესაკუთრედ ცნობილ იქნა ქიბარ ხალვაში, ხოლო 40%-ის შპს „პანორამა“.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს

ზახაროვა: თბილისმა მტკიცე და გააზრებული არჩევანი გააკეთა

საქართველოში პატიმრების უპრეცედენტო ზრდაა, - დემოკრატიის კვლევის ინსტიტუტი

კანიე უესტის კონცერტთან დაკავშირებით, მუნიციპალური ტრანსპორტი მგზავრებს გახანგრძლივებული დროით მოემსახურება