საქართველოს საგარეო საქმეთა სამინისტრო საერთაშორისო უფლებადაცვითი ორგანიზაცია Human Rights Watch-ის წარმომადგენელის სამხრეთ კავკასიაში გიორგი გოგიას დაკავებას არ ადასტურებს.

როგორც "ექსპრესნიუსს" საგარეო საქმეთა სამინისტროს პრესსამსახურში განუცხადეს, გიორგი გოგია  ჰეიდარ ალიევის სახელობის ბაქოს საერთაშორისო აეროპორტშია და  გამოფრენას ელოდება.

"ამ ინფორმაციას არ ვადასტურებთ, გიორგი გოგია დაკავებული არ არის. ამ მომენტისთვის ის აეროპორტშია და  ელოდება გამოფრენას. აზერბაიჯანში საქართველოს საკონსულოს წარმომადგენლები ადგილზე მივიდნენ",-განუცხადეს "ექსპრესნიუსს" საქართველოს საგარეო უწყებაში.

ცნობისთვის,  აზერბაიჯანულმა მედიამ გაავრცელა ინფორმაცია, რომ საერთაშორისო უფლებადაცვითი ორგანიზაცია Human Rights Watch-ის წარმომადგენელი სამხრეთ კავკასიაში გიორგი გოგია ჰეიდარ ალიევის სახელობის ბაქოს საერთაშორისო აეროპორტში დააკავეს. მათივე ცნობით, გოგია ბაქოში ერთ დღე-ღამეზე მეტია დაკავებულია.  უფლებადამცველი ინტიგამ ალიევის და რასულ ჯაფაროვის სასამართლო პროცესზე დასწრებას აპირებდა. ვრცელდება ინფორმაცია, რომ  გოგიას საკონტროლო გამშვებ პუნქტზე პასპორტი წაართვეს და არ უბრუნებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მამა იერონიმე ქათამაძე: არის რაღაც ინფორმაციები, რომ ახალი პატრიარქი შეძლებს საყოველთაო შერიგებას

მეუფე ნიკოლოზი: მიმაჩნია, რომ ქვეყანაში სინდისის პატიმრები და პოლიტიკური პატიმრები საერთოდ არ უნდა იყვნენ

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს